VOV4.Sêdang - Klêi Phŏ Yăo sưTiê̆n sih Nguyễn Trường Sơn, Ngế xiâm phŏ ngăn pơkeăng pơlât, Ngế xiâm ngăn tơdroăng cheăng kal dêi Khu xiâm ngăn pơkeăng pơlât a Pơlê kong kân Hồ Chí Minh krếo mâu vâi pú ki pêi tơdroăng cheăng ‘na khăm pơlât rơtế veăng pleăng hnoăngtơnáplâ mơdât pơreăng a Pơlê kong kân Hồ Chí Minh, riân troh 18h kơmăng lơ 26/7, hiăng ai lối 2 rơpâu 100 ngế chêh inâi veăng pleăng.

Tung lối 2 rơpâu 100 ngế chêh inâi mê, mâu ki veăng pleăng hnoăng tơná pêi cheăng mơdât pơreăng a Pơlê kong kân Hồ Chí Minh ai vâ chê 1 rơpâu 900 ngế; mâu kong pơlê ki ê lối 200 ngế. Mê ai vâi chê 300 ngế ƀok thái pơkeăng, 400 ngế điều dưỡng, vâ chê 200 ngế dược sĩ, ki u ối cho mâu ngế cheăng ‘na kơvâ ki ê.

Nôkố, Khu xiâm ngăn pơkeăng pơlât Pơlê kong kân Hồ Chí Minh dế chêh pơkâ xing xoăng tơdroăng cheăng pêi ăm 80 ngế ƀok thái pơkeăng ƀă 50 ngế điều dưỡng lăm troh a hngêi pơkeăng veăng pơlât COVID-19ƀă mâu hngêi pơkeăng pơtân ki ê, mâu ngế ki pleăng hnoăng tơná kiối ukô umê lăm veăng pêi cheăng a mâu tíu khăm pơlât a mâu tơring ki kal tung pơlê kong kân.

Gương tơplôu [ă tơbleăng