VOV4.Sêdang - Kơxo lơ 20 khế 5, a Hà Nội hiăng pơxiâm po kân krip Rôh hôp má 9, Kuo#k ho#i hneăng má 13. Xông tơpui a rôh pơxiâm po hneăng hôp, pôa Nguyễn Sinh Hùng, kăn xiâm hnê ngăn Kuo#k ho#i tơnêi têa pin tối rơdêi: Pơtối mơdêk ivá ki mơnhông mơdêk dêi tơnêi têa, 5 khế apoăng hơnăm kố, ‘na cheăng kâ, pơlê pơla tơnêi têa pin ai hên tơdroăng ki hơ’lêh, liăn ngân châ hên, liăn tơkâ dêi hngêi rak liăn pơtối kơdroh, tơdroăng rêh ối pơlê pơla, mâu troăng rơhlâ kơdroh kơtiê châ tơmâng ngăn tối tơbleăng tơdâng lâp lu, tơdroăng kring gâk pơlê pơla, cheăm bêng, châ mơdêk, tơniăn tung pơlê pơla châ rak tơniăn.

            Xuân a rôh hôp, poâ Nguyễn Thiện Nhân, kăn xiâm hnê ngăn Vi[an Măt tra#n tơnêi têa Việt Nam tối tiah kố: Hbrâ ăm hneăng hôp rôh kố, Măt tra#n tơnêi têa rêm râ [ă mâu khu kăn Kuo#k ho#i hiăng tơmâng xo châ lối 3 rơpâu 800 rơkong ki veăng tơpui tối, pâ thế dêi mâu kuăn pơlê tung lâp tơnêi têa pơtroh ăm Kuo#k ho#i. Mâu rơkong tơpui tối, pâ thế tơku\m ‘na 6 tơdroăng cheăng ki xiâm ‘na pêi chiâk pêi deăng, kuăn pơlê pêi chiâk pêi deăng [ă thôn pơlê, tơdroăng rêh ối dêi kuăn pơlê châ rak tơniăn, pêi pro troăng rơhlâ, luât ‘na tơnêi tơníu, rak ngăn kong kế, rak vế kong prâi, tơnêi tíu, hnê hriâm, hnê cheăng pêi, khăm pơlât, tơplâ mơdât mâu tơdroăng ki kâ kơloâ, kâ kơhveăm liăn ngân, mơhrê liăn ngân tê kơtê [ă pêi pro hơ’lêh ‘na tơdroăng ki chêh bro hlá mơéa.

Katarina Nga tơplôu