VOV4.Sêdang - Tối tiah kố, tơdroăng klêi séa ngăn, pơkâ 3 túa kong a tơdroăng Pơkâ 100/NQ/HDND hâi lơ 7/12/2017 (hneăng hơnăm 2019-2029) tro xôi, ôh tá tơtro xếo ƀă troăng rơhlâ pơkâ mơnhông cheăng kâ - rêh ối dêi kong pơlê, Vi ƀan kong pơlê Gia Lai pơtroh ăm hneăng hôp roh má 1, Hô̆i đong kong pơlê Gia Lai, hneăng nếo (2021-2026) séa ngăn, tơbleăng tơdroăng ki séa ngăn, ‘mâi hơ’lêh pơkâ kong pơla hơnăm 2025, kô pêi pro a hơnăm 2030.

Ing mê, ‘na tâi tâng pơkâ kong dêi Gia Lai kơdroh 18.000 ha. Ki rơhêng vâ tối, tơnêi kong pêi chiâk pêt loăng vâ xúa pro tơmeăm châ pâ thế tơ’nôm lối 32 rơpâu ha ƀă ăm lối 44 rơpâu ha lo ing pơkâ kong vâ mơnhông cheăng kâ rêh ối. Mâu kong châ pâ thế tah ing pơkâ hdró, ki hên cho tung tơdroăng Tơkêa pro kâng Rơchôa Ia Mơr (tơring Čư Prong), kâng rơchôa Ia Thul (tơring Ia Pa ƀă Krông Pa) ƀă mâu tơdroăng tơkêa bro ki ê môi tiah pơkâ pro on tơhrik, mơjiâng tơmeăm khoăng tơ’mot khu ‘no liăn cheăng, ôm hyô... Klêi châ pơ’lêh, tơnêi kong pêt kơdroh lối 47.200 ha.

Gương tơplôu ƀă tơbleăng