VOV4.Sêdang - Pêi pro tiô Pơkâ kơxô̆ 19 dêi Khu xiâm tơnêi têa pơcháu Đảng, Kuô̆k hô̆i hnê mơhno tơdroăng ‘mâi rơnêu, tơ’nôm Luât tơnêi tơníu hơnăm 2003; tơdrêng amê séa ngăn, pêi kêi đeăng mâu luât ki ai tơdjâk, mơjiâng luât ăm tơdroăng pêi pro Pơkâ ƀă séa ngăn tơdroăng pêi pro tung lâp tơnêi têa.  Kơxê lơ 19/8, pôa Vương Đình Huệ, Kăn xiâm hnê ngăn Kuô̆k hô̆i rơtế ƀă khu râ kăn pêi cheăng hiăng ai roh pêi cheăng ƀă Khu xiâm pơkuâ tơmeăm khoăng ƀă kong prâi.

Pôa Vương Đình Huệ, Kăn xiâm hnê ngăn Kuô̆k hô̆i pêi cheăng ƀă Khu xiâm pơkuâ ngăn kế tơmeăm khoăng ƀă kong prâi

Mơgêi a roh pêi cheăng, pôa Vương Đình Huệ tối, Luât tơnêi tơníu cho môi khu luât ki xiâm tung mâu luât tơnêi tơníu, môi tung mâu mơ-éa luât kal khât phá tơ-ê, tơdjâk kân rơdâ, ƀă pá hên. Kăn xiâm hnê ngăn Kuô̆k hô̆i tối rơdêi, kal pơtối hriăn plĕng ki tơdjâk dêi tơdroăng tơkêa bro luât, mâu tơdroăng ki nếo laga tá hâi ai tơdroăng hriăn plĕng mê thế kơchăng. Tơdrêng amê, tơdroăng ki tơmâng xo, tối mơnhên xuân thế tơmâng hên tíu, rah xo mâu tơdroăng ki tro tah lôi mâu tơdroăng ki ôh tá tro.

A Sa Ly tơplôu ƀă tơbleăng