VOV4.Sêdang - Hâi lơ 1 khế 4, mâu hngêi trung râ má pái phôh thông tung lâp tơnêi têa hiăng pơxiâm tơdah hô sơ chêh inâi tơ’noăng trung hok phôh thông tơnêi têa dêi mâu hok tro. Hâi khế tơdah hô sơ tung pơla 1 khế, klêi kơ’nâi hâi lơ 30 khế 4, hok tro ôh tá chiâng pơhlêh kơpong tơ’noăng [ă mâu tơdroăng ki tối tơbleăng ‘na môn tơ’noăng hiăng chêh inâi. Tung rôh tơ’noăng trung hok phôh thông tơnêi têa hơnăm kố, tơdroăng ki chêh inâi tơ’noăng dêi mâu hok tro athế mơhno tối nhên péa tơdroăng: veăng tơ’noăng bu vâ séa mơnhên hiăng plah tơ’noăng râ má pái lơ nếo séa mơnhên hiăng klêi hriâm râ má pái hlá séa mơnhen rah xo mot hriâm cao đảng, đăi hok, hnối rah xo mâu môn tơ’noăng ki mơhno\ng vâ xêh ki lâi. Hok tro chêh inâi tơ’noăng a kơpong tơ’noăng tro tơdroăng pơkâ dêi Khu xiâm ngăn hrê hriâm [ă hnê cheăng pêi [ă chêh tu\m mâu tơdroăng ki ai tơdjâk môi tiah, mã kong pơlê, pơlê kong kơdrâm, pơlê kng kân, pơlê krâm, tơring, cheăm, bêng, mã hngêi trung phôh thông, kơpong, ngế ki châ kơjo tiu tro tơdroăng pơkâ. Hok tro tơ’noăng [ă ki xiâm vâ séa mơnhên hiăng hriâm klêi râ má pái phôh thông lơ bu vâ séa mơnhên mot tơ’noăng đăi hok, kao đăng tá 2 tơdroăng pơkâ ki chêh inâi tơ’noăng a kơpong ki tơ’noăng xua hngêi trung đăi hok tơku\m po. Kơpong tơ’noăng xua Khu ngăn hrê hriâm [ă hnê cheăng pêi tơku\m po tơ’noăng ăm mâu hok tro ki tơ’noăng bu vâ séa mơnhên hiăng klêi hriâm râ má pái phôh thông. ‘Na môn tơ’noăng, [ă môn nâl Ăng-glê, hok tro châ rah xo vâ chêh inâi tơ’noăng môi tung mâu nâl môi tiah a kơ’nâi kố: cho nâl Ăng-glê, nâl Rusi, nâl Pơhlăng, nâl Sinuâ, nâl Alơmăng lơ nâl kong têa Nhuk. Hok tro ai chưng chih nâl kong têa ê tiu tơdroăng pơkâ xua Khu ngăn hnê hriâm [ă hnê cheăng pêi tối tơbleăng tê kơtê plah râ má pái phôh thông môn nâl kong têa ê [ă châ mơnhên điêm ki rơkê.

Nhat Lisa tơplôu