VOV4.Sêdang - Pơtối hneăng hôp má 10, kơxê hâi lơ 26 khế 10, mâu kăn Kuo#k ho#i tơpui tơno a hngêi hôp kân ‘na mâu tơdroăng tơmiât tơpui phá tơ-ê dêi pó tung kơxop mơ-éa luât pơsăm tối, pơsăm tơkêng tung mơngế xivil ki ‘mâi hơ’lêh. Môi tung mâu tơdroăng châ hên mâu kăn vâ tơmâng, hnoăng cheăng dêi Kơ koan séa ngăn kuăn pơlê tung pơsăm tối, pơsăm tơkêng tung mơngế xivil. Hên mâu kăn tối, tung pơsăm tối, pơsăm tơkêng mơngế xivil, kơ koan hnê séa ngăn kuăn pơlê arak luât ôh tá pêi pro hnoăng pơsăm tối, pơsăm tơkêng, bu pêi hnoăng cheăng séa ngăn tơdroăng tiô luât, xua mê Kơ koan hnê séa ngăn kuăn pơlê arak luât cho kơ koan séa ngăn tơleăng roh tơdroăng xivil, ôh tá xê kơ koan tơku\m pơsăm tối, pơsăm tơkêng, xuân môi tiah ôh tá xê kơ koan veăng pơsăm tối, pơsăm tơkêng. Laga xuân hên mâu kăn tối, Kơ koan hnê séa ngăn kuăn pơlê arak luât cho kơ koan pêi pro hnoăng pơsăm tối, pơsăm tơkêng [a\ pơkuâ tơdroăng tiô luât, xua mê, kơ koan séa ngăn ‘na arak luât kuăn pơlê cho kơ koan tơku\m pơsăm tối, pơsăm tơkêng.

A Sa Ly tơplôu [a\ tơbleăng