VOV4.Sêdang - Kơxo lơ 14 khế 2, hâi má 7 tết Bính Thân cho hâi leh má mơ’nui tung rôh pơtê têt 9 hâi, lối rơpâu toăng rơxế troh a pơlê kong kân Hồ Chí Minh. A mâu hơlâ troăng vâ mot a pơlê kong kân, mâu troăng prôk hlo tơniăn.

 Tung kơxo hnah, lơ 14 khế 2, tiô tối, ai kơdrâm mơngế kuăn pơlê lo ing mâu kong pơlê lăm troh a pơlê kong kân Hồ Chí Minh pơtối pêi cheăng, khu kăn sât gâk troăng prôk pơlê kong kân hiăng mơhnhôk tâi tâng mâu lêng  kăn sât gâk a drô troăng, malối a troăng kân kong pơlê vâ rak tơniăn ăm kuăn pơlê prôk lăm. Kăn sât gâk troăng prôk pêi pro khât  hnoăng cheăng a mâu tíu ki ôh tá tơniăn, hbrâ xing xoăng mơhno ăm mâu rơxế troăng kơtâu a mâu troăng kân têi vâ kơdroh rơxế 2 to chêng [ă 4 to chêng a mâu hơlâ troăng kân. Riân troh kơhâi dế lơ 14 khế 2, tâi tâng mâu hơlâ troăng vâ mot a pơlê kong kân Hồ Chí Minh, kuăn pơlê ki kơtâu drô troăng prôk pơrá tơniăn. Sap ing hâi 28 têt troh hâi má 4 têt, tung pơlê kong kân Hồ Chí Minh ai 10 hdroh tơklâm rơxế drô troăng kân, pro 9 ngế hlâ [ă 2 ngế tro rong. Tâng vâ pơchông [ă hơnăm nah, rơxế tơklâm dêi rơpó hiăng kơdroh tá 3 tơdroăng pơkâ ‘na ki kơdroh: kơdroh 2 hdroh, kơdroh 2 ngế hlâ, [ă kơdroh 2 ngế tro rong. 

A mâu kong pơlê peăng tơdế tơnêi têa, kơxo# kuăn mơngế [ă rơxế tâk hên. Mâu tíu cheăng ki rak ngăn pơto chơ, {ơrô kăn sât gâk troăng prôk, Ko\ng an mâu kong pơlê tối tơbleăng hên troăng hơlâ rak tơniăn a drô troăng prôk.

A Tơraih rơxế Tíu xiâm pơlê kong kân Đà Nẵng, xua kơxo# kuăn mơngế prôk ngi pơlê kong kân Hồ Chí Minh [ă mâu kong pơlê peăng hdroh tâk hên, Tíu cheăng Tơraih rơxế Tíu xiâm pơlê kong kân Đà Nẵng hiăng tâk lối 30% toăng rơxế vâ pơto chơ tơmối ki hiăng roê ve\. Ki nhên gá, tiah hmâ ai dâng 800 troh 900 toăng rơxế lo ing tơraih, la hâi hnah, kơxo# rơxế hiăng tâk troh 1 rơpâu 500 toăng. Mâu hâi ki kố, kơxo# ngế ki lăm ngi peăng hdroh tâk hên. Kố cho roh ki hên mâu ngế ki pơkuâ rơxế  pơtâ, pơ‘mot hên tơmối pro ôh tá tơniăn a troăng prôk. {ơrô kăn sât gâk troăng prôk, Ko\ng an kong pơlê Quảng Bình po mâu rôh lăm pơtrui, séa ngăn, pơxâu phâk kơtăng mâu rơxế ki chơ tơmối pro xôi luât. A hâi lơ 13 khế, tơkéa vâ tối cho hâi má 6 Têt, tung hâi ki apoăng lo lăm pêi cheăng. {ơrô kăn sât gâk troăng prôk, Ko\ng an kong pơlê Quảng Bình hiăng châ hlo lối 100 toăng rơxế chơ tơmối  pro xôi luât, [ă tơdroăng xôi  ki hên cho kơto têi, chơ hên tơmối [ă prôk a troăng ôh tá tro tơdroăng pơkâ.

A Sa Ly tơplôu [ă tơbleăng