VOV4.Sêdang - Tiô Khu xiâm tối pơtâng ‘na hyôh kong prâi tô hngiú kơpong Tây Nguyên, klêi lối 6 khế tô mơdrăng, tung péa pái hâi achê kố mâu kong pơlê hiăng ai mêi kân, kơdroh khăng kho a lối 573 rơpâu ha kơphế, 42 rơpâu ha tiêu dế kal tôh têa. La tung kong mêi kân, ai môi péa tíu hiăng ai jâ kơdo rơvê, mêi príu pro tơ’nhiê tơmeăm khoăng dêi kuăn pơlê. Kơ koan, khu râ pơkuâ cheăng hiăng hên hdroh tối hdrối ăm kuăn pơlê thế hbrâ, kơdroh ki tro lu\p xua khía rơvê, tơro têa. Troh nôkố, kong tô mơdrăng ton hiăng pro lối rơpâu ha loăng plâi pêt a mâu kong pơlê kơpong Tây Nguyên khăng khoăng, pro kơdroh plâi pêt ing 30 troh 70%, lu\p châ rơpâu rơtal liăn. A Daklak hiăng ai lối 48 rơpâu 300 ha loăng plâi pêt tro răng hlâ, tung mê, ai vâ chê 37 rơpâu ha kơphế, lu\p lối 1 rơpâu 550 rơtal liăn. Kong pơlê Gia Lai ai 22 rơpâu 200 ha loăng plâi răng hlâ, tung mê hlâ tâi 4 rơpâu 580 ha, lu\p lối 370 rơtal liăn.

A Sa Ly tơplôu [ă tơbleăng