{ă hdroâng kuăn ngo Hre a pơlê Vi Ô Lắc, báu klâng ga ai tơdroăng ki kal tơviah păng ‘nâng, cho kế kâ ki xiâm vâ mơ’rêh rêm ngế [ă xuân cho ki xiâm vâ pêi lo liăn ngân dêi rêm rơpo\ng hngêi. Xua ti mê, mâu tơdroăng leh mơd^ng ki ai tơdjâk troh a ki pơxiâm ‘no báu hdrê ing hnôu tá troh a mơdâ pêt, xông droh, xông kân, siu, sôk, ai kơpâu báu, rêm roh, rêm rơnó dêi báu, ga pơrá ai tơdjâk kân khât [ă kal păng ‘nâng tung tơdroăng loi t^ng dêi kuăn pơlê. Rêm hơnăm, vâi krâ-nho\ng o xuân ối hmâ rak vế dêi tơdroăng ki leh mơd^ng ai tơdjâk troh a báu, môi tiah leh tơdah plôi têa ki t^ng, mơdâ báu, pêt báu, pôe xo báu, tơdah xo báu vêh a hnôu [ă hên mâu tơdroăng ki ê.

Chêng koăng ôh tá păng lôi tung mâu hâi leh mơd^ng dêi kuăn pơlê Vi Ô Lắc

Hdrối nah, mơngế Hre a pơlê Vi Ô Lắc hmâ chối báu 1 hơnăm bu ai 1 rơnó tê. La pêi to mê tê xuân bê báu phái vâ che\m mơ’rêh ăm tơná kuăn pơlê kâ tung plâ hơnăm, thăm nếo, bê vâ kâ tung 2 hơnăm. Mơngế Hre mơdâ pêt báu a mâu [ăng klâng ki pro tiô kơlo kông, a k^ng drô têa ku\n. Báu ki chiâng a mâu tíu ki kố bu kal ai trếo kơhiâm ing tơnêi [ă tung têa mê ga kô kâi xông kân, ôh tá eâ rơvât phon lơ xôh pơkeăng kơdê oâ hdrong.

Hdrối vâ pơxiâm po tơnêi mơdâ pêt báu, kuăn pơlê hmâ tơku\m po leh mơd^ng ki kal, mê cho leh tơdah plôi têa t^ng. Túa leh mơd^ng kố cho vâ mơnê têa La Hênh, ối tối cho têa ki Xiâm Git hiăng kum ai têa vâ tôh ăm klâng chiâk [ă tơdroăng rêh kâ ối dêi kuăn pơlê.

Pôa A Xi, krâ pơlê tơno tối ‘na trăng t^ng [ă drôu xiâm vâ rơkâu xối xeăng dêi rơpo\ng tơná

A khế 3, krâ pơlê cho môi ngế ki châ kuăn pơlê loi nhuo#m má môi tung khu krâ pơlê kô pơkâ rah xo hâi ki khoh vâ lôu péa hnôu vâ xo báu hdrê, ‘no djâ a klâng vâ mơdâ. Tung hâi lôu péa hnôu mê, vâi kô djâ hdrê ki ối tá kơpâu lo ing hnôu lăm troh a trăng ki t^ng, cho trăng ki kơtúa mâu tơmeăm hdroăng ki vâ rơkâu xối xeăng, klêi mê, ai tá drôu xiâm, póu ki t^ng, póu ki mê cho vâ pêi báu xo phái pro kơ-[ăn ki vâ pleăng ăm xeăng, péa ki t^ng, cho tíu ki ối dêi khu xeăng [ă séa mơnhên ngăn mâu hnoăng cheăng pêi pro dêi mơngế Hre tung hngêi tơná vâi hmâ ối, klêi mê, troh a kâng vâ mơdâng pro pá gong péa ki t^ng.

Klêi kơ’nâi leh mơd^ng mê, vâi kô djâ báu vâ tâm tung têa, ăm báu hmo\ng, klêi mê djâ mơdâ a klâng. Tơkôm báu hiăng xông kân, mơngế Hre ối ai pro mâu leh mơd^ng ki ê mê cho pêt báu. Tá troh a khế 6, kuăn pơlê Vi Ô Lắc ối po môi roh leh mơd^ng vâ rơkâu ăm báu châ chiâng kân hdrah, chiâng dâi le\m.

Troh a khế 8, drêng báu pơxiâm vâ tum, khu krâ pơlê kô hôp, tơno vâ rah xo môi hâi ki po mơd^ng vâ tơdah xo báu ing klâng troh a hnôu. Vâ mơhno tối tơdroăng ki mơnê nhuo#m, hâk phiu kơ báu ki kuăn pơlê pơto pơtih dêi cho ‘noăng mêa dêi khu xeăng hiăng ăm, mê rêm hơnăm, mâu rơpo\ng pơrá ‘mâi rơnêu i krúa le\m dêi mâu hnôu, mâu hneăm.

Tơdroăng ki ‘mâi rơnêi hnôu, lơ mơjiâng pro nếo hnôu, hneăm, kuăn pơlê Hre a pơlê Vi Ô Lắc pêi pro tiô túa ki kal khât, ing tơdroăng rah xo hâi tá troh a tơdroăng ki tăng rah xo tơmeăm hdroăng vâ rơkâu xối xeăng. Tung pơlê, hnôu báu dêi mâu rơpo\ng ôh tá xê pro xêh môi ngế, mê ối châ mơdâng pro ai hên mâu hnôu hneăm ki ê ối tâ tá mê, chiâng kơpong ki ối krê xêh, chía hơngế ing hngêi ối [ă ing klâng chiâk.

Pôa A Xi, krâ pơlê Vi Ô Lắc tối ăm ‘nâi, mơngế Hre hmâ loi dêi, mâu vâi kơdrâi cho kăn báu, xua mê, tung mâu rơpo\ng, ngế kơdrâi cho ngế ki pơkuâ rak báu phái, châ ngăn cho ngế ki chiâng vâ tơpui tơno [ă khu xeăng [ă mơhúa báu. Xua ti mê, tung pơla pro leh tơdah xo báu ing klâng troh a hnôu, mâu vâi kơdrâi xâp dêi ếo pơtâk hdroâng kuăn ngo [ă pôu dêi chêa ki le\m má môi lăm troh a klâng chiâk. Vâi hnêi kơpâu báu ki le\m má môi tung klâng, klêi mê, chôa ‘lâng kât kơpâu báu [ă kơxái kong, klêi mê nếo, tâ tung chêa, djiân vêh a hnôu.

Tung pơla kât kơpâu báu, vâi rơkâu xối xeăng [ă mơhno tối koh mơnê kân khât kơ Xeăng báu [ă mâu khu xeăng ki ối tung kong, kơdâm tơnêi, a têa. Drêng djâ kơpâu báu châi a hnôu, vâi ối kât 2 pro kơxái rơbông, drêng prôk luâ mâu kông ki tơkâ a kơpêng têa, xua têa hiăng kum tôh ăm báu klâng, vâi pro ti mê tá troh djiân báu troh a pơlê tơniăn, ôh tá tro kơchoh báu. Kuăn pơlê tơdah xo mâu kơpâu báu môi tiah tơdah xo Apía, tung hiâm mơno mơdrốu hâk [ă koh mơnê nhuo#m.

Klêi mê, vâi krâ rup djâ dêi í ối rêh vâ rơkâu xối xeăng a loăng kâng pá ngiâ péa hnôu. Klêi rơkâu xối xeăng, pôa pơchâu kô kơdê í [ă xo mơheăm í pik a loăng kâng klêi mê, nếo djiân báu mot tung hnôu. Kơpâu báu klêi kơ’nâi châ ‘măn tung hnôu chôa ‘lâng, ‘măn a mơnât ki achê kông ki mot to tung hnôu. Kố châ ngăn cho mâu kơpâu báu ki vâ pro hdrê ăm rơnó kơ’nâi ah nếo.

Tung mâu roh po leh mơd^ng ăm báu, mâu rơpo\ng tung pơlê hmâ chôu a on môi túa loăng ki tơviah, ga xú le\m ăm hnôu ki ‘măn báu [ă tung kơbong ki t^ng vâ pleăng ăm xeăng báu. Ngôi xú le\m mê kô kơneăng lâp luô pơlê pơla vâ tối tơbleăng, hdroâng mơngế Hre loi kơ xeăng báu cho ai pơxúa păng ‘nâng.

Tung plâ 2 hâi rơkâu xối xeăng, mâu rơpo\ng kô rơtê môi tơkâng hlá ki ngiât a loăng kâng pá ngiâ bo hngêi. Kố cho túa ki vâ mơhno tối rơpo\ng dế tơku\m po leh mơd^ng koh mơnê kơ khu xeăng, kơnôm ai xeăng mê hiăng kum mơ’rêh ăm mơhúa báu. Tung pơla mê, ôh tá ăm tơmối mot tung hngêi, xua xeăng báu kal châ hmái i l^ng [ă cho tơdroăng ki t^ng khât.

Mot a khế 10, kuăn pơlê Vi Ô Lắc ối tơku\m po môi tơdroăng leh rơkâu klâng báu, vâi hmâ tối dêi T^ng kâ Tơxông [ă Kơnái. Tơmeăm hdroăng ki kal má moi a T^ng kâ Tơxông [ă Kơnái hmâ ai kơ-[ăn ki pro ing tơpoăng tơxông ki hiăng pêi liê a póu ki t^ng [ă hơ’lêh mâm kơnái ki rup xo ing klâng chiâk djâ vêh a hngêi. Kố cho leh mơd^ng ki vâ mơnhên tối hiăng klêi tơdroăng pêi chiâk deăng, hiăng klêi pôe, xuâ báu a hơnăm ton.

T^ng kâ Tơxông [ă Kơnái xuân ối cho vâ tối hiăng  mơgêi môi hơnăm pêi chiâk pêi deăng dêi hdroâng mơngế Hre, mot tung hơnăm nếo [ă hiâm tuăn loi tơngah, pói vâ báu kô dâi le\m, ai hên kơpâu, ai châ, ôh tá tro kuăn kơnái [ă mâu kuăn kiâ ki ê kâ ‘nhê, vâ rêm rơpo\ng tung pơlê pơrá châ báu pêng hnôu, kuăn pơlê plâ hơnăm phâi tơtôu, hơniâp ro.

Mâu leh mơd^ng dêi mơngế Hre tá xê bu mơhno tối loi t^ng tung kơvâ chiâk deăng, mê ối cho roh ki vâi krâ-nho\ng o tung pơlê châ trâm, tơpui tơno, hriâm [ối mâu tơdroăng ki le\m tro tung rêh kâ ối, tah lôi mâu tơdroăng ki tăm nâ dêi pó, mơjiâng pơlê kơtâu, ‘mâi mơnhông tơru\m tơrôa tung pơlê pơla. Kố xuân cho roh ki vâ ăm vâi droh rơtăm, kơdrâi kơnốu tung pơlê tí tăng ‘nâi ple\ng dêi pó, pơtroh dêi pó mâu tơdroăng ki mơjo pâ, tơkêa tơhrâ dêi pó chiâng on chiâng veăng la ngiâ.

Thiên Hương chêh

Nhat Lisa tơplôu [ă tơbleăng