VOV4.Sêdang - Sap ing hâi mơjiâng nah troh nốkố, Đảng Ko\ng san Việt Nam hiăng tơkâ hluâ 11 hneăng hôp kân. Rêm hneăng hôp kân Đảng xuân ai tơdjâk troh hên hnoăng cheăng kal kí ki pơrá phá dêi pó, la pơrá pêi pro klêi hnoăng cheăng ki kân xiâm, mê cho séa mơnhên ngăn hnoăng cheăng ki hiăng châ chiâng pêi pro tơ-[rê, ai pơxúa tung mâu hơnăm hdrối [ă pơkâ mâu hnoăng cheăng ki kân, hơngế vâ pơkuâ tơnêi têa tung rơxông pơtối. Drêng troh hâi ki pơxiâm po hneăng hôp kân Đảng lâp tơnêi têa má 12, Lưu Huyền, Ngế chêh hlá tơbeăng ai chêh tối ‘na mâu tơdroăng ki kal xiâm dêi rêm hneăng hôp kân dêi Đảng [ă kô kal ăm hneăng hôp kân Đảng má 12 kố thăm rế châ tơniăn le\m [ă tơ-[rê păng ‘nâng.

Rơnó hơngui hơnăm 1930, a Cửu Long, Hương Cảng, kong têa Sinuâ, Pôa Nguyễn Ái Quốc cho mơngế dêi lâp plâi tơnêi Ko\ng san, hiăng tơku\m po hneăng hôp ru\m môi tuăn mâu khu tơru\m cheăng Ko\ng san chiâng môi Đảng, xo inâi cho Đảng Ko\ng san Việt Nam. Hneăng hôp khu kăn má môi dêi Đảng châ tơku\m po a khế 3 hơnăm 1935 ai hnoăng kal khât, xua hiăng pơkâ troăng tơplâ vâ tơnêi têa châ tơniăn le\m, pơkâ 3 hnoăng cheăng ki má môi la ngiâ dêi Đảng, cho vâ mơnhông tơtêk Đảng, thăm mơhnhôk kuăn pơlê; tơplâ tơtrâ mơdât mâu kong têa ê ki mot plâ.

            Troh khế 2 hơnăm 1951, hneăng hôp khu kăn lâp tơnêi têa roh má 2 dêi Đảng ai pơxúa kân khât, drêng pơkâ troăng vâ tơnêi têa pin châ [lêi trâng má mơ’nui tung roh tơplâ mơdât kong têa Pơhlăng, châ [lêi trâng a Điện Biên Phủ hơnăm 1954. Tơdroăng ki mơnhên dêi hneăng hôp kố cho pơtối mơnhông tơtêk, châ môi tuăn lâp kuăn pơlê, xua mê Đảng hiăng hơ’lêh chiâng Đảng Lao Động Việt Nam, tơku\m tâi tâng mâu râ kuăn pơlê, tơmiât môi troăng cho vâ tơleăng le\m hdroâng mơngế. Kố cho hneăng hôp vâ ru\m môi tuăn tâi tâng kuăn pơlê ki Đảng Lao Động Việt Nam cho xiâm kối.

            Hneăng hôp má 3 dêi Đảng tơku\m po a khế 9 hơnăm 1960, pơkâ kân cho rơtế pêi pro 2 troăng mơjiâng chuh ngiah xah ho#i a peăng kơnho\ng tơnêi têa [a\ tơplâ mơdât peăng hdroh tơnêi têa, mơhno môi troăng prôk dêi kăch măng Việt Nam cho râng hnêa xông tơplâ vâ tơleăng le\m peăng hdroh tơnêi têa cho thế xông tơplâ tiô troăng kăch măng.

            Mâu troăng prôk ki tơtro dêi 3 hneăng hôp hiăng kum Đảng pin tơdjâ troăng kăch măng Việt Nam châ [lêi trâng má mơ’nui, tơnêi têa châ môi tuăn. Khế 12 hơnăm 1976, hneăng hôp tâi tâng mâu kăn lâp tơnêi têa roh má 4 dêi Đảng hiăng mơgêi roh plâ tơtrâ kong têa Mih, to\ng kum tơnêi têa [a\ pơkâ troăng mơjiâng chuh ngiah pơlê pơla tung lâp tơnêi têa. Hneăng hôp má 4 pơkâ thế hơ’lêh inâi Đảng Lao Động  Việt Nam chiâng Đảng Ko\ng san Việt Nam.

            Kơ’nâi mê, hneăng hôp má 5 dêi Đảng châ tơku\m po khế 3 hơnăm 1982, tối péa hnoăng cheăng ki ton xo\n kăch măng tơnêi têa tung hneăng nếo cho mơjiâng châ tơ-[rê chuh ngiah pơlê pơla [a\ hbrâ tơnáu xông tơplâ, gâk kring krá tơniăn Tơnêi têa Việt Nam xah ho#i chuh ngiah; tơdrêng amê mơnhên tơru\m cheăng pơla péa hnoăng cheăng ton xo\n tung rơxông nếo.

            Môi tung mâu hnoăng cheăng ai pơxúa phá tơ-ê ki kal cho hneăng hôp khu kăn lâp tơnêi têa roh má 6 dêi Đảng tơku\m po a khế 12 hơnăm 1986. Kố cho hneăng hôp pơkâ troăng hơlâ hơ’lêh nếo dêi tơnêi têa. Yăo sư tiên sih Mạch Quang Thắng, thái cao câp hngêi trung Ho\k vie#n kal kí tơnêi têa Hồ Chí Minh mơnhên tối, [a\ hnoăng cheăng tơdrăng khât, hneăng hôp má 6 dêi Đảng hiăng tơdrăng mơhno mâu tơdroăng ki ối tơvâ tơvân dêi tơdroăng cheăng kâ, túa pơkâ cheăng, kế tơmeăm khoăng, kơchơ tê mơdró, tơdrêng amê, tối rơdêi kal hơ’lêh nếo tâi tâng, tung mê, thế hơ’lêh nếo tuăn ngoâ, troăng tơmiât ‘na cheăng kâ. Yăo sư-Tie#n sih Mạch Quang Thắng tối, kố cho troăng pêi cheăng ki châ [lêi chiâng ki kal tung tơdroăng tơmiât l^ lua#n dêi Đảng, kum tung tơdroăng vâ po rơdâ tơdâng tơ’mô mâu túa hơ’lêh nếo tu\m túa, ki má lối cho hơ’lêh ‘na cheăng kâ, vâ hơ’lêh ing tơdroăng cheăng kâ tơku\m, mê hơ’lêh tơdroăng cheăng kâ kơchơ tê mơdró tiô troăng xah ho#i chuh ngiah: Hơ’lêh tơmiât dêi Đảng ahdrối cho hlê ple\ng ‘na pơkâ xiâm [a\ troăng vâ to chuh ngiah xah ho#i. Tung cương l^nh dêi Đảng apoăng hơnăm 1930 xuân tối nhên troăng pêi cheăng kăch măng tư sản kuăn pơlê pơkuâ dêi hnoăng cheăng kăch măng [a\ hlê ple\ng ‘na kăch măng vâ to xah ho#i ko\ng san, laga vâ pêi pro nhên tơdroăng kố, mê troh hneăng hôp má 6 hlê ple\ng tơ’nôm môi troăng hơ’lêh nếo to chuh ngiah pơlê pơla, hlu\n ing rơxông bao kâp, rơxông tơplâ. Troăng tơmiât mê, tung tơdroăng hlê ple\ng ‘na pơkâ xiâm, troăng vâ to chuh ngiah pơlê pơla, hlê ple\ng tơ’nôm hnoăng cheăng ki kal dêi Đảng Ko\ng san Việt Nam [a\ hnoăng cheăng kal khât dêi tơdroăng mơnhông mơdêk krá tơniăn.

            Mâu hneăng hôp má 7 troh hneăng hôp má 11 hiăng pơtối prôk troăng hơ’lêh nếo ki hneăng hôp má 6 pơkâ, mơgêi mâu tơdroăng l^ lua#n – pêi pro tung tơdroăng hơ’lêh nếo, xo vế túa ki rơkê tơtro, pơkâ ‘na tơdroăng hlê ple\ng, pêi cheăng rêm hneăng. Klêi kơ’nâi vâ chê 30 hơnăm hơ’lêh nếo, tơnêi têa pin châ tơ-[rê ‘na cheăng kâ rêh ối pơlê pơla, hlu\n ing kong têa hrá mơnhông tơtêk, chiâng tơnêi têa pêi lo liăn krâ kơvâ tung lâp plâi tơnêi. Việt Nam xuân hiăng châ tơ-[rê kân k^n tung tơdroăng tơpui kâ [a\ kong têa ê, mơjiâng tơru\m cheăng tơpui kâ lâp plâi tơnêi, mơnhông cheăng kâ Việt Nam rế hía rế mot tơru\m trâu hơngế [a\ kơpong [a\ lâp plâi tơnêi.

            Hneăng hôp khu kăn lâp tơnêi têa roh má 12 dêi Đảng kô tơku\m po sap hâi lơ 20 troh hâi lơ 28 khế 1 hơnăm 2016, tung pơla tơnêi têa pin ai hên roh tơ’lêi, laga xuân ai hên tơdroăng pá puât, tơnêi têa pin hiăng mơ-eăm ó rơdêi, laga tơdroăng cheăng kâ dêi tơnêi têa pin xuân nếo tơkâ hluâ pá puât [a\ châ tơ-[rê apoăng. Pơloăng mơnúa má 2, cho klêi kơ’nâi môi pơla hmiên tuăn ‘na tơdroăng cheăng tơniăn, gâk kring lâp tơnêi têa, tơniăn le\m, kuăn pơlê pơkuâ dêi hnoăng cheăng, laga xuân u ối ai mâu kong têa ki vâ tơbriât pơkuâ xêh tơnêi têa. Xua mê, mâu troăng hơlâ dêi Đảng klêi kơ’nâi hneăng hôp má 12 ai pơxúa kân k^n, pro tiah lâi pro mâu tơdroăng pơloăng mơnúa chiâng roh tơ’lêi [a\ tuăn ngoâ tơmiât rơkê, khên tơnôu [a\ kho\m mơ-eăm. Kố cho pơkâ ki pá má môi tâng pơchông [a\ pơkâ dêi mâu hneăng hôp sap ing hneăng hôp má 6 troh nôkố. Yăo sư Vũ Minh Giang tối: Tâng môi tiah hneăng hôp má 6 po hên troăng mơnhông tơtêk, pêi pro [a\ tơdroăng pro tơ’lêi tung mot tơru\m cheăng [a\ lâp plâi tơnêi, mê hneăng hôp má 12 kal châ pơtối hơ’lêh nếo ‘na troăng tơmiât vâ hơ’lêh môi hneăng pêi cheăng nếo tu\m têk: Ôh tá xê to á, mê tâi tâng kuăn pơlê, tung mê ai mâu ngế rơkê pơrá pói tơngah a hneăng hôp kân má 12 kố, pro tiah lâi pin thế ai troăng tơmiât hơ’lêh nếo khât, tơtro khât, kho\m châ hên vâ ti tăng mâu ngế ki khên tơnôu, ai ivá, ai tuăn ngoâ rơkê vâ kum tơnêi têa xông tơtêk tâ. Akố ôh tá pêi cheăng tiô môi ngế xêh, ôh tá tơkôm roh tơ’lêi hlâu, xuân ôh tá chiâng tơkôm tung tơdroăng veăng kum dêi kơbố, pin thế mơ-eăm xêh, thế pêi cheăng tiô troăng dêi tơná, laga thế môi tuăn mâu tơdroăng hơ’lêh ó rơdêi mê, tâng mơnhông tiô troăng mê, kô mơ’no tah lôi tơdroăng ti tro, thăm nếo kô hlo dêi tơdroăng ki tơná pêi pro ôh tá tơtro vâ xut tah.

            Tơkâ hluâ 11 hneăng hôp, Đảng pin hiăng mơnhông tơtêk ó rơdêi, châ [lêi trâng kân k^n, vâ mơnhên hnoăng cheăng dêi Đảng, cho xiâm kối vâ [lêi trâng dêi kăch măng Việt Nam. Mê cho xiâm kối vâ kuăn pơlê loi tơngah, hneăng hôp má 12 dêi Đảng kô pơtối mơ’no mâu troăng ki tơtro, mơhno tơdroăng ki hơ’lêh nếo ‘na troăng tơmiât, ki rơhêng vâ tối kô châ rah xo mâu ngế ki ai ivá pêi cheăng rơkê, ai hiâm mơno le\m tro vâ pơkuâ, kum tơnêi têa mơnhông tơtêk ó rơdêi.

A Sa Ly tơplôu [a\ tơbleăng