VOV4. Sêdang - Mâu kăn xiâm pơkuâ kong têa Mih [a\ Cuba a hâi lơ 27 khế 2  hiăng mot tung roh tơpui tơno má 2 a pơlê kong xiâm Washington, kong têa Mih vâ thăm tơru\m tơpui kâ, drêng ai hơkăng pơla péa tơnêi têa, tơdjâk troh tơdroăng kong têa Mih kum ăm Cuba, cho kong têa ki veăng to\ng kum tung veăng ‘no hnoăng cheăng veăng plâ ‘nhiê khu lêng tơtrâ. Roh tơpui tơno má môi tơku\m po apoăng hơnăm kố a pơlê kong xiâm La Habana, kong têa Cuba. Roh tơpui tơno mê ton ai môi hâi, cho troăng prôk ki tơtro ăm péa pâ khu râ kăn xiâm pơkuâ péa kong têa châ pêi pro tiu hiăng pơkâ a mơ’nui hơnăm nah, thăm pro pơle#m dêi rơpó vâ pơtối tơru\m tơniăn klêi kơ’nâi lối 50 hơnăm ôh tá tơru\m cheăng, tung mê, ai tá tơdroăng lôu péa mâo kơ koan teăng mâ tơpui kâ a rêm kong têa [a\ hơ’lêh ăm dêi pó mâu ngế ki tro kroăng phak.

A Sa Ly tơplôu