VOV4.Sêdang - Hâi lơ 6 khế 2, poâ Barack Obama, kăn xiâm pơkuâ kong têa Mih hiăng tối tơbleăng tơdroăng cheăng la ngiâ Kring kâk tơnêi têa hnăm 2015, tơhrâ kôm pơtối rak vế hnoăng cheăng pơkuâ dêi Mih tung lâp plâi tơnêi tung pơla tối rơdêi môi tơdroăng ki hriâm ‘na troăng rơhlâ tơpui kâ. Tiu ngế kum cheăng ‘na tơdroăng kring kâ kong têa Mih, jâ Susan Rice tối, kố cho môi tơdroăng cheăng tung la ngiâ vâ mơdêk mâu tơdroăng ivá pơkuâ dêi Mih, tung mê, ai tơdroăng kal kí, tơdroăng cheăng kâ, ‘na lêng, vâ pơtối rak vế hnoăng cheăng pơkuâ dêi Mih tung chal 21 kố, ho\ng mê kum Mih pơkâ tơleăng mâu tơdroăng ki pơloăng mơnúa, hnối ‘nâi nhên mâu roh pơkuâ tung la ngiâ.

Katarina Nga tơplôu