VOV4.Sêdang - Kơtăn roh tơplâ hiăng lối 40 hơnăm, laga cho kơpong tơnêi ai hên tíu tơplâ ki ó má môi nah, xua mê kong pơlê Daknông hên tíu u ối răng [om, trếo pơtôu ki tá hâi pơtôu, pro ôh tá tơniăn ăm kuăn pơlê. Bu xêo sap hơnăm 2011 troh nôkố, tung kong pơlê Daknông ai troh vâ chê 100 roh trâm xía vâ xua răng, [om, trếo pơtôu ki tá hâi pơtôu ing chât hơnăm hdrối. Vâ tơniăn ăm tơdroăng mơjiâng pro kế tơmeăm khoăng, pêi chiâk deăng tung kong pơlê, kăn [o#, mô đo#i, lêng dêi kông [inh ối tung Khu pơkuâ lêng kong pơlê Daknông hiăng tơkâ hên pá puât, rơ-iô vâ ‘nhiê tah răng [om. Hnoăng cheăng dêi mâu ngoh khên tơnôu hiăng kum kuăn pơlê hmiên tuăn pêi cheăng kâ, mơnhông mơdêk cheăng kâ [a\ hía hé. Ngế chêh hlá tơbeăng dêi Rơ’jíu Việt Nam a kơpong Tây Nguyên ai chêh tối ‘na tơdroăng kố.

            Vâ chêh 2 măng t^ng hdrối, rơpo\ng pôa Diệp Bạch Long, ối a thôn Yang Kach, cheăm Dak Drô, tơring Krông Nô, kong pơlê Daknông drêng chiâ klôh vâ ai têa tôh loăng plâi tung chiâk deăng hiăng trâm hlo môi pu\m [om ki kân. Hlo [om tá hâi pơtôu, rơpo\ng pôa Long préa khât, pơtê chiâ klôh [a\ tơbleăng ăm kơ koan ki pơkuâ ngăn ‘na tăng hrik [om min. Tâng tơbleăng, kăn [o#, lêng dêi kông [inh ối tung Khu pơkuâ lêng kong pơlê Daknông hiăng ai mâ a mê vâ pêi hnoăng cheăng rak tơniăn. Klêi kơ’nâi hlo nhên kố cho [om tá hâi pơtôu MK 82, hngăm 227 kilô, kân 27,3 cm, xo\n 1,33 met, tung [om ai 87,2 kilô trếo pơtô Tritonal, tơpe\ng ki châk hơngế 600 met, rơ-iô khât, hâi lơ 18 khế 5 kố nah, mô đo#i kong [inh hiăng pơto djâ [om troh kơpong tơniăn vâ lôe tah. Mô đo#i kong [inh ối lăm séa ngăn tâ tá kơdrum dêi rơpo\ng pôa Long vâ tăng mâu răng [om ki u ối tung tơnêi tá hâi pơtôu, vâ kuăn pơlê hmiân tuăn pêi chiâk deăng. Pôa Diệp Bạch Long, ối a thôn Yang Kach, cheăm Dak Drô, tơring Krông Nô, kong pơlê Daknông tối ăm ‘nâi: Kơpong tơnêi ki rơpo\ng á pêi chiâk deăng hdrối nah xuân ai hên vâi krâ nho\ng o drêng chiâ klôh têa, chiâ klôh vâ pêt kơphế xuân trêm hlo răng [om. Tá hâi ai ngế ki lâi hlâ, laga vâi krâ nho\ng o préa khât drêng hlo, [a\ tâ rơ-iô khât vâ pêi chiâk deăng. Drêng châ hlo xuân kơnôm kơ koan cheăng ki ai tơdjâk lăm ‘nhiê tah, troh nôkố mô đo#i hiăng hrik ngăn [om min, klêi mê, troh nôkố tơnêi hiăng krúa le\m, vâi krâ nho\ng o hiăng hmiân tuăn pêi chiâk deăng, ôh tá tô tuăn môi tiah hdrối nah xếo.

            Tiô séa ngăn hơnăm 2012, tung kong pơlê Daknông ai dâng 10 rơpâu hectar tơnêi châ ngăn cho tro ‘mêi ó xua răng [om [a\ trếo pơtôu, ki hên tơku\m a mâu tơring: Dak Mil, Dak Song, Dak Rlâp, Tuy Đức, }ư Jút [a\ Krông Nô. Pêi pro tơdroăng 504 dêi Chin phuh ‘na séa ngăn răng, [om klêi kơ’nâi tơplâ, troh nôkố Daknông nếo po rơdâ pro mơgrúa châ 370 hectar, ki hên a mâu tơdroăng tơkêa bro ki châ hrik xo, mâu tíu mơjiâng pro kế tơmeăm khoăng ki kân a tơring Dak Rlâp, Dak Mil [a\ pơlê kong krâm Gia Nghĩa. Đăi u\y Nguyễn Văn Giáp, kăn chea\ng kal kí Đăi đo#i kong [inh - ối tung Khu pơkuâ lêng kong pơlê Daknông tối ăm ‘nâi, mơhé tá hâi châ mơgrúa tâi tâng mâu kơpong tơnêi ki tro ‘mêi, laga đông lêng đi đo mơ-eăm tơkâ hluâ pá puât, vâ tơniăn ăm tơnêi tíu pêi chiâk deăng krúa le\m [a\ tơniăn ăm châ chăn rêm ngế. Đăi u\y Nguyễn Văn Giáp, ka\n cheăng kal kí Đăi đo#i kong [inh - ối tung Khu pơkuâ lêng kong pơlê Daknông tối: Hlê ple\ng nhên [a\ ki rơ-iô dêi răng, [om ki tá hâi pơtôu klêi kơ’nâi tơplâ nah, tung hnoăng cheăng, nho\ng o tung đông hiăng hlê ple\ng nhên tơdroăng pơkâ hnoăng chea\ng dêi Đảng ủi [a\ dêi Khu pơkuâ lêng tung rêm hnoăng cheăng. Nho\ng o kong [inh drêng pêi pro hnoăng cheăng đi đo mơ-eăm pêi kêi hnoăng cheăng châ pơcháu, vâ tung tơnêi ôh tá ăm ai răng, [om, vâ tơniăn xuân môi tiah ví tơdroăng trâm xía vâ.

            Ô vâi krâ nho\ng o [a\ pú hmâ! Môi tiah ngin hiăng tối, Daknông – kơpong tơplâ xâ nah, cho kong pơlê u ối hên kơpong tơnêi u ối răng, [om ki tá hâi teăm pơtôu xua ing rơxông tơplâ xâ nah. Tơdroăng kố pro ôh tá tơniăn, [a\ ki nhên hiăng ai hên roh trâm xía vâ xua mâu trếo pơtôu kố pro. Pro tiah lâi vâ mơgrúa tâi mâu kơpong tơnêi ki u ối răng, [om ki tá hâi pơtôu ing rơxông tơplâ [a\ vâ rak tơniăn vâ mơjiâng [a\ mơnhông mơdêk pêi chiâk deăng a kong pơlê Daknông? Ngế chêh hlá tơbeăng a kơpong Tây Nguyên hiăng ai roh tơpui tơno [a\ Trung tă Lê Đức Chính, kăn pơkuâ Kong [ing, ối tung Khu pơkuâ lêng kong pơlê Daknông ‘na tơdroăng kố, pó vâi krâ nho\ng o [a\ pú hmâ kô tơmâng:

          Êng: Ô Trung tă Lê Đức Chính, Kăn pơkuâ lêng Ko\ng [inh, Kăn pơkuâ ngăn lêng mô đo#i kong pơlê, pôa ai séa mơnhên ngăn tiah lâi ‘na [om min, trếo pơtôu ki ối tung kơpong kố?

          Trung tă Lê Đức Chính: Daknông cho tíu ki tơplâ dêi kong pơlê Quảng Đức Ton nah, xua mê, mâu [om min ki ối tung kơpong kố ối hên. Tiô tơdroăng ki lăm séa ngăn dêi Ko\ng ti 319 Khu kăn xiâm pơkuâ ngăn lêng a hơnăm 2012 mê kơpong tơnêi ki u ối [om min tung kong pơlê kố lối 10 rơpâu ha, kố cho tơdroăng ki pá puât, xâo rơ-iô ăm vâi krâ-nho\ng o tung pơla vâ pêi chiâk deăng [ă mơnhông cheăng kâ. Tơdroăng ki [om min, tơmeăm pơtôu xuân u ối kố, pro hên ngế kuăn pơlê tro rong râ, hlâ hía, ai tơdroăng s^ng khéa. Khu kăn xiâm pơkuâ ngăn lêng xuân hiăng kơhnâ khât tung tơru\m cheăng [ă mâu kơ koan ki ai tơdjâk vâ lăm hrik tah [om min, vâ pro mơgrúa ăm kơpong ki dế ối krêa mâu [om min kố.

          Êng: Tơdroăng ki tí tăng hrik, chiâ tăng [om min xuân môi tiah vâ lôe tah lối mâu [om min a kố ối trâm hên pá puât, xâo xía, la kăn [o#, mâu lêng hiăng pơkâ tiah lâi vâ pêi pro klêi dêi hnoăng cheăng tơná?

          Trung tă Lê Đức Chính: Drêng tâng kuăn pơlê tối tơbleăng, tơkéa kuăn pơlê hiăng châ hlo [om min mê Khu pơkuâ ngăn lêng Ko\ng [inh kố ăm mâu khu ki hmâ pêi tơdroăng cheăng kố, kơnôm ai tơdroăng pơkuâ ngăn dêi Kăn pơkuâ lêng kong pơlê [ă {ơrô ki pơtâng tối tơdroăng kal kô chêh tối mâu tơdroăng vâ pêi pro, tơru\m cheăng [ă mâu kơ koan ai tơdjâk, malối cho Khu pơkuâ ngăn lêng dêi mâu tơring vâ tí tăng hrik ngăn, chiâ xo, lôe tah. Tung pơla tăng chiâ xo tung kơdâm tơnêi [ă lôe tah răng [om, tơdroăng cheăng mê cho xâu xía păng ‘nâng, xua tung pơla hnê mơhriâm, khu mô đo#i ngin kal athế rơbot i nhên mâu túa ki vâ hrik tah, lôe tah [om min, tâng lôi ai tơdroăng ki ôh tá krâu ga kô pro rong hlâ mơngế. Xua tiah mê, khu ki veăng hrik tah, lôe tah [om min akố kal athế hlê ple\ng nhên ‘na túa ki vâ lôe tah [ă xuân ai hiâm mơno khên tonôu. Drêng hiăng hlê ple\ng nhên [ă khên tơnôu mê tơdroăng hrik tăng, chiâ xo, lôe tah [om min nếo tơniăn.

          Êng: {ă tơnêi tơníu lối 10 rơpâu ha tơnêi ki ối hên răng [om, tung pơla mê nếo pro mơgrúa 370 ha tê, tiah mê, xuân u ối hên tơdroăng cheăng athế pêi, mê khu mô đo#i pin kô tơku\m pêi pro ki klâi a hdrối tâ tung la ngiâ ah?

          Trung tă Lê Đức Chính: Tơnêi ki u ối [om min tung lâp kong pơlê kố ối hên ‘nâng, la ngiâ ah, kơnôm tơdroăng pơkuâ ngăn dêi Khu kăn pơkuâ ngăn lêng kong pơlê, Kăn pơkuâ ‘na [ơrô pơtâng tối, Khu pơkuâ ngăn lêng Ko\ng [inh kô tơru\m cheăng [ă khu râ, kơvâ cheăng. Ki má môi kal athế thăm hnê tối ‘na tơdroăng hnê mơhno ăm kuăn pơlê, drêng trâm hlo răng [om, tơmeăm pơtôu kal athế ví hơngế [ă tối ăm khu pơkuâ ki ai tơdjâk vâ hrik xo, lôe tah. Hnê tối kuăn pơlê [ă mâu tơdroăng pêi pro i krâu, drêng trâm hlo răng [om, kế pơtôu athế ai túa ki vâ hbrâ mơdât xía vâ, hnê kuăn pơlê ‘nâi kơnó nhên mâu túa răng [om, min, kế pơtôu vâ hbrâ ví xía vâ. Ki má péa nếo, hnê tối ăm kuăn pơlê tung rơ’jíu, um tivi, hlá tơbeăng, pơtâng tối ăm kuăn pơlê, malối [ă vâi ‘ne\ng drêng châ trâm hlo [om min, kế pơtôu. Hnoăng cheăng ki ê nếo, ngin tơru\m [ă mâu khu râ, kơvâ cheăng, Chin phuh hiăng ai troăng hơlâ hnê thế lôe tah mâu [om min, kế pơtôu klêi kơ’nâi roh tơplâ nah (tối cho tơdroăng 504) kô hnê tối ăm rêm râ [ă pâ phêp tơnêi têa kum liăn ngân vâ tơru\m cheăng [ă mâu đông mô đo#i vâ pro mơgrúa tâi tâng mâu tơnêi tơníu ki u ối krêa răng pháu, [om min tung kơdâm tơnêi, vâ kum kuăn pơlê tơniăn tung pêi chiâk pêi deăng, mơnhông mơdêk pêi cheăng kâ [ă ví mâu tơdroăng tro rong râ, hlâ hía kuăn mơngế. {ă tơdroăng ki mơ-eăm [ă kho\m pêi dêi tâi tâng kăn [o#, mâu lêng ko\ng [inh, kơnôm ai tơdroăng pơkuâ hnê ngăn dêi Khu kăn pơkuâ ngăn lêng, á tơmiât tiah kố, tơdroăng ki hrik tah mâu răng pháu, [om min tung la ngiâ kô cho pơtối mơgrúa hên tâ [ă drêng châ trâm hlo ai pháu hơnêa, trếo pơtôu, [om min mê ngin kô re\ng lôe tah vâ ga tơniăn ăm kuăn pơlê

          Hôm. Mơnê êh pôa hiăng veăng tơpui tơno [ă ngin ‘na tơdroăng kố.

Nhat Lisa prế A Sa Ly tơplôu [ă tơbleăng