Klêi kơ’nâi lối 1 hơnăm tối tơbleăng tơdroăng OCOP hiăng hlo mâu tơdroăng pêi pro tơkâ luâ tá mâu khu ngế ki veăng tung tơdroăng kố, túa pơkâ, ki rơkê ple\ng rế hía rế rơdêi, rế hía rế châ mơjiâng hên mâu túa kế tơmeăm ki kơhiâm le\m dêi rêm kơpong, kong pơlê. Nôkố, lâp tơnêi têa ai lối 6 rơpâu khu mơdró kâ, khu pêi cheăng tơru\m, tôh pêi cheăng tơru\m, rơpo\ng kuăn pơlê chêh inâi mơdró kâ tiô OCOP. Tâi tâng kế tơmeăm tiô tối hdrối châ tro tiô pơkâ OCOP troh hơnăm 2020 ai 3.749 túa; tâi tâng kơxo# liăn ‘no mơhnhôk tiô tối hdrối châ lối 9 rơtal liăn.

Hiăng ai 9 to kong pơlê tơku\m mơnhên tối châ tiô pơkâ 5 to hơlo\ng, 3 kế tơmeăm châ pơkâ mơ’no vâ châ tiô tơdroăng pơkâ 3 to hơlo\ng, 160 kế tơmeăm châ tiô pơkâ 4 to hơlo\ng, 308 túa kế tơmeăm châ tiô pơkâ 3 to hơlo\ng.

{ă ki xiâm mơ-eăm châ hơ’leh 4 túa kế tơmeăm pêi chiâk deăng ki ó rơdêi dế ai nôkố [ă mâu kế tơmeăm ai xiâm kối sap ing mâu tơring, cheăm tung kong pơlê; mơnhên 1 – 2 kế tơmeăm châ tiô pơkâ 5 to hơlo\ng râ tơnêi têa, 10 – 12 kế tơmeăm 3 – 4 tiô pơkâ râ kong pơlê. Rêm hơnăm, rêm tơring ai ki iâ hlái 3 túa ki tơche\ng tơmiât kế tơmeăm châ to\ng kum tiô OCOP, kong pơlê Dak Lak hiăng tối tơbleăng túa pơkâ troăng hơlâ ăm mâu tơring, cheăm, khu mơdró kâ, khu pêi cheăng tơru\m [ă mâu ngế ki pêi pêt, hơ’leh kế tơmeăm, kế tơmeăm tê mơdró tiô troăng ki rế hía rế pêi pro châ tơdroăng ki rơhêng vâ dêi kơchơ mơdró.

Lăm ngăn mâu tíu mơđah tơbleăng tơmeăm a Hneăng hôp

Pôa Vũ Văn Đông, kăn pho\ Khu ngăn chiâk deăng [ă mơnhông thôn pơlê, kăn pơkuâ [ơrô xing xoăng mơjiâng thôn pơlê nếo kong pơlê Dak Lak mơnhên tối: Tơdroăng OCOP a Dak Lak troh nôkố hiăng pơkâ châ tơdroăng tơkêa, túa pơkâ tối tơbleăng tơdroăng [ă mâu hlá mơ-éa hnê mơhno ăm mâu tơring tối tơbleăng. Malối cho troh nôkố hiăng ai tơdroăng pơkâ vâ mơnhên tối kế tơmeăm OCOP.

‘’Dak Lak dế mơjiâng túa pơkâ tối tơbleăng ăm mâu tơring, pơlê kong krâm, pơlê kong kơdrâm séa ngăn [ă hnê mơhno ăm mâu khu mơdró kâ, mâu khu pêi cheăng tơru\m, mâu rơpo\ng kuăn pơlê [ă mâu ngế ki pêi pêt chêh inâi mơjiâng mâu troăng ki kơnía [ă mâu kế tơmeăm dêi tơná.

Ki hdrối tâ ngin mơdêk hnoăng cheăng tối tơbleăng lâp lu ‘na ki hlê ple\ng dêi kuăn pơlê, dêi mâu khu pơkuâ xuân môi tiah mâu khu pêi cheăng tơru\m pro tiah lâi ‘nâi tơdroăng ki tiah lâi khe\n cho kế tơmeăm OCOP vâ rơtế veăng pêi. Vâ pêi pro tro mê ki hdrối tâ rêm rơpo\ng, rêm ngế ki pơkuâ tíu ki pêt mơjiâng, khu pêi cheăng tơru\m ai tơdroăng ki veăng tơru\m vâ pro chiâng môi troăng sap ing tíu ki pêt troh uâ mơdiê tê tơmeăm tung kơchơ.

Vâ pêi tơdroăng kố, pâ thế kuăn pơlê thế hlê ple\ng tung tơdroăng ‘na kế tơmeăm vâ pro tiah lâi ăm kế tơmeăm rak tơniăn ki dâi, krúa le\m’’.

Hneăng hôp vâ mơhno mâu kế tơmeăm veăng tung tơdroăng OCOP cho rôh vâ mâu tíu cheăng mơđah tơbleăng, tê mâu kế tơmeăm, mơdêk pêt mơjiâng, mơnhông tíu pêt, kế tơmeăm kơhiâm dêi kơpong kế tơmeăm OCOP; cho hneăng hôp vâ mâu ngế ki pêt, khu pêi cheăng tơru\m, khu mơdró kâ tối tơbleăng ki pá puât, tung rak ngăn, kăn pơkuâ Khu pêi cheăng tơru\m pêi chiâk deăng ngiât Quảng Trực, cheăm Quảng Trực, tơring Tuy Đức, kong pơlê Dak Nông, tối tiah kố, OCOP cho ivá kum vâ pro chiâng inâi ăm mâu kế tơmeăm, veăng kum tung tơdroăng ki mơjiâng châ tơ-[rê dêi khu mơdró kâ:

‘’Kố cho môi tơdroăng ki ai pơxúa ăm mâu khu mơdró kâ, môi tiah khu pêi cheăng tơru\m malối cho mâu khu pêi cheăng tơru\m, khu mơdró kâ ki ku\n [ă krâ kơvâ, vâi ôh ai tu\m tơdroăng vâ kuăn pơlê pro maketting vâ mơđah tơbleăng kế tơmeăm. OCOP cho ivá kum ăm mâu kế tơmeăm dêi kuăn pơlê pêi lo. Kố cho troăng hơlâ ki tơtro ăm mâu kế tơmeăm dêi mâu kuăn pơlê ngin mơnhông rơdêi, tơxâng [ă ivá’’.

Tiô pôa Đào Văn Hồ, kăn pơkuâ tíu xiâm pơkâ mơdêk ‘no liăn cheăng tê mơdró pêi chiâk deăng, ối tung Khu xiâm ngăn chiâk deăng [ă mơnhông thôn pơlê tối, Tây Nguyên cho kơpong ki ai hên kế tơmeăm pêi chiâk deăng ki ai ivá rơdêi, ki ai hlâu [ă hiăng châ pơkâ inâi tung ton hơnăm.

Pêi pro tơdroăng OCOP, a mâu kong pơlê Tây Nguyên nôkố nếo tối tơbleăng, pêi pro troh tơdroăng ki mơ’no kế tơmeăm châ tê tung kơchơ mơdró ôh ti xê to kơchô tung tơnêi têa mê ối châ tê ngi kong têa ê.

Pôa Đào Văn Hồ tối túa tơmiât dêi tơná:

‘’Vâ tơdroăng pêi chiâk deăng kuăn pơlê pêi chiâk deăng thôn pơlê dêi Tây Nguyên pêi pro châ tơ-[rê xuân môi tiah mơnhông tơdroăng OCOP ngin rơhêng vâ mâu kong pơlê, Vi [an mâu kong pơlê dêi Tây Nguyên tơmâng ngăn vâ tối tơbleăng tơdroăng OCOP dêi rêm kong pơlê [ă tối tơbleăng tiô túa ki tơdâng tơ’mô, tơtro tâ vâ ai hên kế tơmeăm OCOP dêi Tây Nguyên châ veăng tê tung kơchơ mơdró tung tơnêi têa [ă kong têa ê ing mê mơdêk pêi lo liăn ăm kuăn pơlê a thôn pơlê. Ing mê, mơnhông krá tơniăn ton kơpong Tây Nguyên, môi kơpong cheăng kâ rêh ối pơlê pơla kal khât dêi lâp tơnêi’’.

          Nam Trang chêh

Katarina Nga tơplôu [ă tơbleăng