VOV4.Sêdang – Sap ing ton t^n nanah, tung roh ki vâi krâ-nho\ng o hdrông mơngế Thái Trắng ối loi t^ng khu xeăng, vâi loi tơdroăng rêh ối a ro\ng tơnêi kố cho kơnôm ai khu xeăng a kong plêng pơkuâ, rak ngăn, tơdroăng cheăng kâ-rêh ối dêi kuăn pơlê a ro\ng tơnêi cho kơnôm to tơdroăng kum dêi khu xeăng mê nếo châ phâi lơ kơklêa. Pôa pơchâu ki hriăn cho ngế ki teăng mâ ăm kuăn pơlê tơpui tơno, rơkâu pâ khu xeăng, mơhno tối hiâm mơno kuăn pơlê púi rơhêng vâ troh a khu xeăng. Xua ti mê, rêm hơnăm hbrâ vâ chê troh rơnó mơdâ pêt kế tơmeăm, hdrông mơngế Thái Trắng hmâ tơku\m po mơd^ng ‘’Then Kin Pang’’ cho vâ rơkâu pâ kong mêi tro, kong tô ‘ló, rơkâu pâ tơdroăng pêi cheăng kâ trâm pon mơhúa, kum ăm rêm ngế, rêm pơlê pêi kâ châ phâi tơtô, niân hơniâp, sôk ro.

 A mâu pơlê cheăm dêi hdrông mơngế kuăn ngo Tây Bắc, Then Kin Pang rêm hơnăm châ vâi krâ-nho\ng o akố tơku\m po môi hdroh, xua mâu vâi krâ ki hriăn ‘na tơdroăng tơpui tơno [ă xeăng, rơkâu pâ xeăng mâu tơdroăng ki le#m tơniăn, vâi tối dêi Lục Liệng, cho mâu ngế pôa pơchâu  rơkâu pâ xeăng kum ăm mơhúa vâi ki châi tamo, kum pro prêi tơdroăng châi tamo, vâi troh vâ kôh mơnê kơ pôa pơchâu ki tah tơdroăng châi tamo mê. Pak^ng mê, Then Kin Pang ối tơku\m po pleăng mâu tơmeăm khoăng kâ vâ mơnê mâu vâi krâ ki hiăng ai hnoăng djâ pro pơlê, mơjiâng kơtâo, kôh mơnê mâu ngế ki khên tơnôu hiăng ai hnoăng plâ xâ mơjiâng [ă kring vế pơlê pơla, tơnêi têa.

Hdrối vâ chê troh rơnó mơdâ pêt tơmeăm, vâi krâ hdrông mơngế Thái Trắng tung lâp pơlê pơla vâi rơlo dêi mâu chu í, phái tơxông, drôu alâk, drôu xiâm troh a hngêi dêi pôa pơchâu ki hriăn rơkê má môi, vâ po mơd^ng Then Kin Pang. Tung mâu tơmeăm ki pleăng xối mơd^ng ăm pôa pơchâu mê, ôh ti păng lôi 5 túa plâi, tơpăng xăng [ă kơchâi kong. Nâ Phùng Thị Nga, môi ngế kuăn pơlê a pơlê Lửa, cheăm Phổng Lào, tơring Phong Thổ, kong pơlê Lai Châu tối ăm ‘nâi: A rôh mơd^ng Then Kin Pang cho vâ tối rêm ngế hbrâ pro mâu tơdroăng ki pâ kong mêi tro, kong tô ‘ló, châ xo dêi hên kế tơmeăm pêt mơjiâng, pêi kâ tơtro [ă hiâm mơno púi vâ. Mơd^ng ki kố hmâ po a hâi má 10 khế 3 âm l^ch rêm hơnăm. Rêm ngế tung pơlê, tung cheăm rơtế rơlo dêi kế tơmeăm vâ veăng sôk suâ a hâi mơd^ng kố.

Pôa pơchâu ki hriăn rơkê, hvâi tối dêi Then, cho ngế ki châ kuăn pơlê loi nhuo#m, châ nho\ng o kơnôm tơngah thế teăng mâ kuăn pơlê lăm xối pleăng, rơkâu pâ xeăng pơtroh ăm tơdroăng cheăng kâ-rêh ối phâi niân, tơniăn le#m. Pôa pơchâu ki hriăn mê athế xâp hmân ếo ki tơ-eăng hên mơngiơk, râng prôa t^nh, pá ngiâ cho tơmeăm pleăng xối xeăng. Mâu kuăn cháu dêi pơchâu ki hriăn mê athế ối ate#n, tâ tá dêi pâ pôa, tơmâng pôa rơkâu pâ [ă krếo mâu xeăng chu amê vâ kâ mâu plâi ngeăm, xú reăng ki le#m, [ă kâ mâu tơmeăm ki kuăn pơlê pêi lo. Poâ Lâm Văn Điện ối a pơlê Nặm Ty, cheăm Nặm Hàng, tơring Nặm Nhùn, kong pơlê Lai Châu tối ăm ‘nâi: Rêm hơnăm, vâi krâ-nho\ng o [ă mâu ngế châ á rơkâu pâ ăm mơhúa, pơlât tơdroăng châi tamo troh akố vâ mơnê xeăng. Vâi krâ-nho\ng o rơtế veă rơlo í, chu, vâi djâ troh akố vâ po ôu kâ, xah hêi, rơngê ting ting, hơhdruê rơkâu pâ ai tơdroăng ki le#m tơniăn ăm pôa pơchâu ki hriăn mê, [ă rơkâu pâ tung hơnăm nếo rêm ngế châ tơniăn le#m, kro mơdro\ng. Mơd^ng ki kố, ki xiâm ga cho vâ mơnê pôa pơchâu ki hriăn, tơdroăng kố ôh ti păng lôi.

Pôa pơchâu ki hriăn mê teăng mâ vâi krâ-nho\ng o tung pơlê rơkâu pâ khu xeăng lo ing kong plêng chu a ro\ng tơnêi, rơtế [ă mâu kuăn cháu, [ă pâ xeăng to\ng kum tu\m tơdroăng ăm kuăn pơlê hơnăm nếo mo xêi-têi ‘răng, pêi kâ châ hên tơmeăm, báu phái pêng nôu, pêng hneăm, chu í chiâng hngâ hên h^n, păn kơpôu ro, mơnăn mơnôa ôh tá tro pơreăng:      Rơkong rơkâu mê kơneăng troh a sok, a khía, ôh tá trâm tơdroăng xía vâ. Rơkâu pâ ăm tâi tâng kuăn pơlê chiâng rơkê ple#ng, troh lâp pơlê pơla pơrá hlê ple#ng, troh a kong plêng tâng rơkong rơkâu ki tơleăng, ki chuât xơtó môi tiah tơro, idrâp tơpui môi tiah kơblêa. Tâng pro pá kuăn păn roăng kô ôh ti vâ tơmâng, mâu kuăn pơlê kô châ krếo troh, tơku\m  xah ôm hêi akố.

Hdrối nah, Then Kin Pang vâi krâ hmâ pro ton tung pơla 3 hâi, nôkố pêi pro tiu mơhno mơjiâng tiu túa nếo, vâi krâ-nho\ng o bu po tung pơla 1 hâi. Klêi kơ’nâi pêi pro mâu tơdroăng ki xối pleăng, vâi krâ-nho\ng o rơtế dêi pó hơdruê xoâng, vâi xah hêi tiu khôi vâi krâ rôh nah, môi tiah tók mák lẹ, tơhrot kơxái, tơkât [ă hía hé. Kố xuân cho roh vâ vâi krâ-nho\ng o dêi rêm hdrông kuăn ngo tung kơpong châ trâm, tơpui tơno, xah ôm hêi, thăm mơnhông tơdroăng ki tơru\m pơla hên khu hdrông mơngế kuăn ngo dêi pó.

Nhat Lisa tơplôu