VOV4.Sêdang - Klêi 9 hâi pêi cheăng, thâ rĕng klêi, kơxêi lơ 28/7, Kuô̆k hô̆i hneăng 15 hiăng mơgêi rôh hôp má môi. Tơbleăng a rôh mơgêi hôp, pôa Vương Đình Huệ, Kăn xiâm hnê ngăn Kuô̆k hô̆i tối: Rôh hôp má môi, Kuô̆k hô̆i hneăng 15 rôh hôp ai hên tơdroăng ki kal.

Mơgêi rôh hôp má môi, Kuô̆k hô̆i hneăng 15

Mâu kăn Kuô̆k hô̆i hiăng pơtối rak vế hnoăng cheăng ƀă ki púi vâ pleăng hnoăng cheăng, xúa hên chôu cheăng pá gong ƀă pêi cheăng tơ’nôm tung mâu hâi pơtê hơ’lêh nếo, hriăn plĕng ki nếo, veăng ‘no hên tơdroăng hnê tối mơ-eăm khât vâ Kuô̆k hô̆i séa ngăn, tơbleăng ƀă pêi cheăng 29 tơdroăng Pơkâ, tung mê ai 17 Pơkâ ‘na tơkŭm po ƀă ‘na mơngế pêi cheăng, 11 tơdroăng Pơkâ chuyên đề, 1 Pơkâ tơchoâm ‘na rôh hôp, hlối teăm tơleăng mơnhên mâu tơdroăng ki kal pêi tơdrêng hdrối.

Hlối pơkâ mâu tơdroăng ki kal tro tiô pơkâ pêi, ki ton hơnăm, veăng pro môi roh hôp klêi tơniăn tung hên tơdroăng, châ Kuăn pơlê tơmâng xo, môi tuăn, khê̆n kơdeăn.

Gương tơplôu ƀă tơbleăng