VOV4.Sêdang - Kơxêi lơ 7 khế 7, a Hà Nội, klêi 4 hâi pêi cheăng, Hneăng hôp kân rôh má pái khu kăn tíu xiâm Đảng hneăng má 12 hiăng pêi klêi tơdroăng pơkâ.

          Pôa Nguyễn Phú Trọng, Kăn xiâm pơkuâ hnê ngăn Đảng pơkuâ hneăng hôp [ă tối tơbleăng a hneăng hôp. Kơ’nâi 4 hâi pêi cheăng re\ng, kơtăng, hneăng hôp rôh má 3 dêi Khu xiâm Đảng hiăng pêi klêi tơdroăng pơkâ. Mâu kăn veăng hôp hiăng tối mâu hnoăng cheăng pêi, [ă pơtối rak vế ki môi tuăn, ki tơdrăng tung tơpui tơno, veăng hnê tối hên tơdroăng ki kal tung hlá mơ-éa [ă mâu tơdroăng dêi hneăng hôp. Kăn xiâm pơkuâ cheăng kal kí hiăng tơmâng mâu tơdroăng hnê tối ki tơxâng [ă tối mơnhên mâu tơdroăng veăng hnê tối ki tơ-ê dêi rơpó. Khu kăn xiâm hiăng vâ môi tuăn tối tơbleăng tơdroăng pơkâ dêi hneăng hôp. Mơgêi hneăng hôp, pôa Nguyễn Phú Trọng tối rơdêi, mơnhên mâu tơdroăng vâ môi tuăn tung tơru\m, hnê mơhno pêi pro. Má môi cho, hneăng hôp tơpui tơno [ă vâ môi tuăn tối tơbleăng ki xiâm dêi tơdroăng pơkâ [ă pêi cheăng dêi khu kăn xiâm, Khu xiâm cheăng kal kí, khu hnê ngăn [ă dêi Vi [an séa ngăn tơnêi têa hneăng 12, ngăn mê cho mâu hlá mơ-éa ki kal nhên dêi luât Đảng, pro xiâm vâ pơtối ‘mâi hơ’lêh túa pro hlá mơ-éa tung Đảng [ă hơ’lêh nếo troăng hơlâ pơkuâ dêi Đảng. Ki má péa, Khu kăn dêi tơnêi têa ối pơkâ tơdroăng rak vế, pêi pro dêi luât Đảng, pơkâ ‘na cheăng séa ngăn [ă pơxâu mâu ngế ki pro xôi luât. Ki má pái, Hneăng hôp hiăng môi tuăn ‘na tơdroăng tơbleăng mâu ngế kăn dêi mâu kơ koan tơnêi têa hneăng hơnăm 2016-2021.

Gương tơplôu [ă tơbleăng