Pơchuât mơéa a leh Tơbâ, pôa Hoàng Trung Dũng, Kăn pơkuâ hnê ngăn Đảng kong pơlê Hà Tĩnh veh tối tơdroăng rêh ối ƀă tơdroăng cheăng bro kăch măng khên tơnôu ƀă mâu hnoăng pleăng kân kĭn dêi pôa Trần Phú, kăn xiâm pơkuâ hnê ngăn Đảng hneăng hdrối ƀă tơdroăng cheăng kăch măng dêi Đảng, hdroâng mơngế Việt Nam – môi hiâm mơno kân, môi tuăn tơmiât tơdrăng, ôh tá chiâng hía. “Tuăn tơmiat tơplâ” mê hiăng, dế ƀă đi đo pro lĕm ăm khôi hmâ khên tơnôu dêi hdroâng mơngế, pơlê xiâm Hà Tĩnh, chiâng ivá rơdêi, ƀai hriâm kơnía git ƀă pơ-ôu pơ-eăng mâu hnoăng cheăng ki pleăng kân kĭn dêi pôa Trần Phú ƀă tơdroăng cheăng kăch măng dêi Đảng, dêi hdroâng mơngế Việt Nam ƀă pơlê xiâm Hà Tĩnh.

Tơdrêng amê hlối tối rơdêi hnoăng cheăng pơkuâ rơkê plĕng dêi Đảng kŏng san Việt Nam, dêi Hồ Chí Minh ƀă mâu kăn pơkuâ hneăng hdrối tung tơdroăng cheăng tơplâ xua ki tơniăn krê dêi hdroâng mơngế, xua ki lĕm kŏng sản, xua hơniâp ro dêi kuăn pơlê.