Kố cho tơdroăng pêi pro ối tung Hâi leh khôi túa lĕm tro mâu hdroâng kuăn ngo kong pơlê Dak Lak. Tiô khôi túa mơngế Rơđế leh tơdah dôh tơkŭm po drêng hiăng tâi chôu tơpui tơno ối peăng kơdrâi peăng kơnốu ƀă kơdrâi hiăng ăm tŭm tơmeăm ki hngêi ngế rơtăm pâ pơkoăng drêng péa pâ rơpŏng pro leh diâp ŏng mé ƀă pơloăng hdrối mê.

Drêng kố péa pâ rơpŏng hiăng môi tuăn lôi on veăng nếo vêh peăng hngêi nôu pâ peăng kơdrâi. On veăng nếo kô lăm a hngêi nôu pâ kơdrâi vâ pro mâu tơdroăng leh tiô khôi vâi krâ. Tung tơdroăng prôk khu tơdah dôh kô trâm mâu tơdroăng pá môi tiah nhŏng o peăng hngêi kơdrâi tơpui ‘nêk, tât troăng, pro pá.

Tơdroăng leh mơgêi drêng 2 pâ rơpŏng môi tuăn on veăng ối nếo kô vêh hngêi nôu pâ kơdrâi, tơdah rơkong rơkâu dêi nhŏng o. Hngêi kơdrâi kât drôu xiâm ƀă krếo rêm ngế veăng kâ hmê, sôk xua, phiu ro.