Măng tĭng khôi túa lĕm tro – Ôm hyô Gia Lai hơnăm 2023 dó inâi ‘’Gia Lai – Mâu mơngiơk khôi túa lĕm’’, ƀă hên tơdroăng khôi túa lĕm, tơ’noăng ivá, ôm hyô ki má môi. Tung mê, ai Tơ’noăng mơđah tơbleăng tơmeăm kơnía khôi túa lĕm ‘na hiâm mơno Tíu tơbleăng khôi túa lĕm Chêng koăng Tây Nguyên, ƀă lối 1.300 ngế ngê̆ nhân dêi 5 kong pơlê Tây Nguyên.

Măng tĭng Khôi túa lĕm – Ôm Hyô Gia Lai hơnăm 2023 châ tơkŭm po tro lĕm, kân, mơhno tơdroăng khŏm mơ-eăm kal kí dêi kong pơlê Gia Lai tung tơdroăng mơdêk ki kơnâ tơmeăm kơnía Tíu mơđah tơbleăng khôi túa lĕm chêng koăng Tây Nguyên hiăng châ UNESCO pơ-ôu pơ-eăng to a râ a’ngêi nếo. Tơdrêng amê cho tơdroăng ki hôm tung mơdêk ƀă mơnhông ôm hyô dêi Gia Lai tung la ngiâ.