Ƀă dó inâi ‘’Tơkŭm mơngiơk’’, Hâi leh khôi túa lĕm tro mâu hdroâng mơngế kong pơlê Dak Lak hơnăm kố châ tơkŭm po sap ing hâi lơ 18 – 20/11. Roh apoăng châ tơkŭm po râ kong pơlê ƀă 10 tơdroăng pêi ki xiâm ƀă 2 tơdroăng mơhnhôk, hâi leh hiăng mơhnhôk lối 800 ngế nghê̆ nhân, diên viên kuăn pơlê troh ing 15 tơring, pơlê kong krâm, pơlê kong kơdrâm a Dak Lak veăng pêi pro.

Tung mê, tơdroăng pơxiâm po ƀă hên mơngiơk, ai tơdroăng pro chiâng môi pơla nhak tiô khôi vâi krâ nah ƀă tiô rơxông nếo, tơkŭm chiâng môi tơdroăng rŭm môi tuăn dêi mâu hdroâng mơngế. Tơ’noăng mâu tơdroăng ki phá tơ-ê khôi túa lĕm tro, ngê̆ thuât mơđah tơbleăng, tiô khôi vâi krâ nah ƀă hên tơdroăng ki má môi.

A leh mơgêi, khu tơkŭm po hiăng diâp mơnhên ăm mâu tíu cheăng ki châ tơƀrê tung mâu tơdroăng xiâm; diâp ƀâng kheăn kơdeăn ăm 20 khu pú hên ki má môi tung tơkŭm po ƀă veăng Hâi leh kơdrâm phiu ro khôi túa lĕm mâu hdroâng kuăn mơngế kong pơlê Dak Lak hơnăm 2023.