Pơtối rak túa lĕm tro ki kơnía dêi Tơnêi têa mơdĭng mơnê rêh ton hơnăm dêi mơngế M’Nông
Thứ hai, 14:40, 20/11/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxo hâi lơ 19/11, khu xiâm ngăn mơhno túa lĕm tro tơ’noăng ivá ƀă ôm hyô kong pơlê Dak Lak tơkŭm po hâi hôp tơpui tơno khoa hok ‘na kring vế ƀă pơtối rak vế tơmeăm khoăng ki kơnía git dêi Tơnêi têa mơdĭng mơnê rêh ton hơnăm dêi mơngế M’Nông.
Hôp tơpui tơno ai hên ngế veăng hnê tối dêi mâu ngế rơkê, mâu khu tí tăng hriăn plĕng, veăng ‘no hnoăng tối mơnhên ƀă mơhno troăng ki pơtối rak ƀă pơtối pêi pro rak ki pơxúa kơnía git túa lĕm tro mê a Dak Lak.
Ƀă ai vâ chê 20 tơdroăng tơpui ƀă 10 tơdroăng veăng hnê tối tơdrêng a hneăng hôp, mâu kăn hiăng veăng hnê tối hên tơdroăng, tơbleăng hlá mơ-éa chêh tí tăng ‘nâi plĕng trâu tâ vâ mơnhên tơ’nôm hnoăng pêi pro, ki pơxúa kơnía git dêi tơmeăm khoăng túa lĕm tro tơmeăm kơnía git dêi tơnêi têa Mơdĭng mơnê rêh ton dêi mơngế M’Nông a Da Lak.
Pôa Nguyễn Anh Tú, Kăn phŏ hnê ngăn Vi ƀan tơring Lak tối tiah kố, kố cho tơdroăng ki kal vâ kong pơlê pơtối pơkâ troăng rơhlâ nhên vâ pơtối rak ƀă pêi pro túa lĕm tro mê tung la ngiâ.
Viết bình luận