Ƀă tơdroăng pơxá “Mơjiâng kơmăi kơmŏk đŏng phim Việt Nam ai hên túa lĕm tro hdroâng mơngế, túa nếo ƀă ki lĕm tro”, tơ’noăng phim Việt Nam rôh má 23 ai mâu phim veăng tơ’noăng ro má môi sap nah ta troh nôkố. Tung mê, ai 91 phim châ rah xo a tơdroăng tơ’noăng, ƀă 56 phim châ rah xo a tơdroăng phim tung tŭm tơdroăng a mâu tíu ki xŭp xo lĕm mơnâ mâ.

Tơbleăng a rôh pơxiâm po, Ngế phŏ Khu xiâm ngăn Túa lĕm tro Tơ’noăng ivá ƀă Ôm hyô Tạ Quang Đông, Ngế pơkuâ hnê mơhno hneăng tơ’noăng phim Việt Nam rôh má 23 tối, Tơ’noăng phim drêng kố cho rôh vâ khu đŏng phim Việt Nam tơbleăng troh mâu ngế ngăn hlo hên túa phim ki đŏng ‘na túa, tơdroăng hriăn đŏng, mơhno ki rơkê đŏng, tối ‘na mâ ngăn ing hên tơdroăng ‘na tung rêh ối dêi mâu khu hriăn pro phim, troăng vâ pêi pro mơnhông cheăng xúa kơmăi kơmok tung đŏng phim Việt Nam ai hên túa lĕm tro dêi hdroâng mơngế, kuăn ngo, túa ki ếo ƀă ki rơkê lĕm.