VOV4.Xơ Đăng - Xuân môi tiah mâu hdroâng kuăn ngo ki ê a Tây Nguyên, mơngế M’Nông a tơring Ƀuôn Đôn, kong pơlê Dak Lak ai hên kơchâi ki pế ing tơpoăng, môi tiah tơpoăng pế ƀă kơchâi beap kơbâng, tơpoăng pế ƀă pló hmôa priât, kơchâi tơpoăng alâi. Vâi krâ-nhŏng o rơtế tí tăng ‘nâi ‘na kơchâi tơpoăng ki kơhiâm dêi mơngế M’Nông a tơring Ƀuôn Đôn.

VOV4.Xơ Đăng - Nếo achê pơla kố nah, tung roh Leh tơbleăng kơphế Ƀuôn Ma Thuột roh má 8, xiâm kơphế kố hiăng châ xúa vâ pro tơmeăm ki vâ vâi krâ hbleăng pro, mơjiâng chiâng tơmeăm ki ôh tá la lâi kâi piu tung rêh ối dêi Tây Nguyên, pro hên ngế tơmối rơhêng vâ troh ngăn.

VOV4.Xơ Đăng - Ƀă hdroâng kuăn ngo Tây Nguyên, vâi ngăn rui môi tiah kuăn mơngế tung rơpŏng hngêi, cho pú hmâ dêi pơlê cheăm. Xua ti mê, sap ing hâi ki pơxiâm lăm tăng rup rui kong nah rêh ối ƀă kuăn pơlê rui xuân châ hnê tối, pơtâp, uăn pât môi tiah kuăn ‘nĕng tung rơpŏng hngêi. Ngế ki ngăn rui, inâi cho Y Quang Ƀyă, hdroâng M’Nông, ối a Bản Đôn.

VOV4.Xơ Đăng - Hâi lơ 24/3, khu pơkuâ ngăn Đoân Droh rơtăm Dak Lak tơkŭm po hneăng hôp hơnăm ối nếo kong pơlê ƀă tơdroăng cheăng ‘na mơhno túa lĕm tro tung mâu hơnăm xúa cheăng kơxô̆.

VOV4.Xơ Đăng - A drô troăng prôk chêng, cho troăng Phan Đình Giót, pơlê kong kơdrâm Ƀuôn Ma Thuột, kong pơlê Dak Lak, tung Leh tơbleăng kơphế Ƀuôn Ma Thuột; nếo achê pơla kố hiăng po roh mơhno túa lĕm tro tơdroăng chal vâi krâ nah, ai inâi "Rơ-rêk idrâp Kong ngo”. Akố, kuăn pơlê ƀă tơmối hiăng châ tâng, hmâng mâu tơdroăng ki mơđah hơniâp ro.

VOV4.Xơ Đăng - Hên mâu tơmối, nhŏng o lăm troh ngăn tíu ki tơbleăng mơđah dêi Rơ’jíu xiâm Việt Nam vâ xup um tơbâ vế ƀă logo VOV ki hiăng hmâ ƀă châ hmâng mâu tơdroăng nếo ai, châ ngăn mâu um méa, tơdroăng ki xông tơtêk dêi Rơ’jíu.

VOV4.Xơ Đăng - Khu pơkuâ ‘na mơhno túa lĕm tro, Tơ’noăng ivá ƀă ôm hyô kong pơlê Lâm Đồng dế thâ mơjiâng pơkâ tơkŭm po mâu tơdroăng pêi Măng tĭng Leh kơnía Ôm hyô Lâm Đồng hơnăm 2023.

VOV4.Xơ Đăng - Tung rôh po Leh tơbleăng kơphế Ƀuôn Ma Thuột má 8 hên hĭn mâu tơdroăng mơhno túa lĕm tro khôi hmâ hiăng châ po tung mâu hâi hdrối kố nah, tơ’mot hên tơmối lăm ngăn.

VOV4.Xơ Đăng - Hiăng luâ 50 hơnăm châ hơngế ing pơlê xiâm Kon Tum troh rêh ối, cheăng kâ a kong pơlê Dak Lak mơjiâng tơdroăng rêh ối nếo, mơngế Rơteăng xuân ối rak vế dêi khôi tuá, vêa vong hdroâng kuăn ngo tơná. Ing hmân ếo, kơpĕn, pơtâk troh a kế kâ troh a tơdroăng tŏn chêng, rơngê ting ting Rơteăng.

VOV4.Xơ Đăng - Ƀă inâi “Ƀuôn Ma Thuột – Tíu tơkŭm 3 tơdroăng ki rơkê kơphế lâp plâi tơnêi” tơdroăng mơdĭng prôk a troăng kơphô̆ tung rôh po mơdĭng kơphế Ƀuôn Ma Thuột rôh má 8 hơnăm 2023 po a kơxê lơ 10/3, a 6 to hơlâ troăng Ƀuôn Ma Thuột, hiăng pơtroh mâu kuăn pơlê ƀă tơmối ai môi tơdroăng ki ngăn hơniâp ro, phiu niu.