VOV4.Sêdang - Pôa Trần Quốc Vượng, kăn cheăng tung tíu xiâm kal kí, kăn pơkuâ ngăn Đảng hiăng k^ tơkêa mơgêi ‘na mơjiâng [ă mơnhông pơlê kong kơdrâm {uôn Ma Thuột, kong pơlê Dak Lak troh hơnăm 2030, troăng pêi troh a hơnăm 2045 cho ‘’mơjiâng [ă mơnhông pơlê kong kơdrâm chiâng kơpho# tíu xiâm kơpong Tây Nguyên’’ tung tơdroăng ki tí tăng [ă mơdêk mâu kế tơmeăm ki hiăng ai hlâu, ki pơxúa, malối cho kong kế nhâ loăng ki chiâng xêh, mâu kế tơmeăm ki kơnía ‘na mơhno túa le\m tro, ton nah, tơnêi tíu xiâm kơpong.

Vâ pêi tơdroăng mê,  troăng hơlâ ki xiâm cho: Mơjiâng [ă rak ngăn túa pơkâ mơnhông mơdêk pơlê kong kơdrâm tơtro [ă túa pơkâ tâi tâng tơnêi têa, túa pơkâ kơpong [ă túa pơkâ dêi kong pơlê, rak tơniăn tơru\m krá pơla mơnhông cheăng kơmăi kơmok [ă pêi chiâk deăng [ă tê mơdró, pơla kơpho# hơ’leh [ă mơjiâng thôn pơlê nếo. Mơnhông mơdêk khôi túa le\m tro, pơlê pơla dêi pơlê kong kơdrâm tiô troăng ki rak vế, [ă mơdêk mâu kế tơmeăm ki kơnía, khôi túa ton nah, malối cho mơhno túa le\m tro, chêng koăng Tây Nguyên.

 Katarina Nga tơplôu [ă tơbleăng