VOV4.Sêdang - Mơjiâng pro troăng tơkăng kong hơniâp le\m, tơniăn, tơru\m tơrôa [ă mơnhông mơdêk pơla péa tơnêi têa Việt Nam [ă Kul đi đo cho tơdroăng ki pơkâ pêi, châ mâu kăn xiâm péa tơnêi têa po leh kân krip hiăng pro klêi 2 tơneăn, inâi cho  tơneăn 30 [ă 275, tâp hdró a tíu tơkăng kong pơla 2 tơnêi têa, [ă ai pôa Nguyễn Tấn Dũng, Ngế pro xiâm hnê ngăn Chin phuh tơnêi têa pin [ă pôa Samdech Techo Hun Sen, Ngế pro xiâm hnê ngăn kong têa Kul. Kố cho tơdroăng ki kal tung tơru\m cheăng pơla péa tơnêi têa Việt Nam [ă Kul.

Tơneăn hdró tíu tơkăng kong kơxo# 30 pơla troăng ki tơdjêp pơla tơring Đức Cơ, kong pơlê Gia Lai dêi Việt Nam [ă tơring Oyadav dêi kong pơlê Ratanakiri, kong têa Kul. Kố cho môi tơneăn hdró ki ai krâ inâi tơnêi têa, krâ a péa bo cheăng tê mơdró lâp plâi tơnêi a Lệ Thanh [ă Oyadav, [ă cho 1 tung 10 to tơneăn ki me#n hdró ai krâ inâi dêi péa tơnêi têa. Tíu tơviah dêi 2 bo cheăng tơkăng kong Lệ Thanh [ă Oyadav cho châ mơjiâng pro a troăng kân 19 dêi Việt Nam, tơdjêp [ă troăng kân 78 dêi kong têa Kul, cho môi tung mâu troăng kân ki xiâm tơdjêp [ă mâu kong pơlê kơpong Tây Nguyên dêi Việt Nam, [ă mâu kong pơlê peăng mâ hâi lo ‘na kơnho\ng dêi kong têa Kul. Tơdroăng me#n pro klêi tơneăn hdró tíu tơkăng kong [ă tơdjêp pơla péa tíu gâk ngăn bo cheăng tê mơdró lâp plâi tơnêi a Lệ Thanh [ă Oyadav pro tơ’lêi hlâu ‘na cheăng kâ, ôm hyô, mơdêk tơru\m cheăng tê mơdró, ‘no liăn cheăng, mơhno túa le\m tro, hnê hriâm, pak^ng mê, pro tơ’lêi ăm kuăn pơlê tung kơpong tíu tơkăng kong péa tơnêi têa trâm tơpui tơno, mơdêk tơru\m môi tuăn [ă dêi pó. Veăng leh pro klêi tơneăn kơxo# 30, pôa Siu Duch, krâ pơlê Mook Đen, cheăm Ia Dom, tơring Đức Cơ, kong pơlê Gia Lai tối: Vâi krâ nho\ng o kuăn ngo Jarai ngin [ă mâu hdroâng kuăn ngo ki ê peăng kong têa Kul hiăng ai tơdroăng rêh ối sap ton nah ki tơru\m, hmâ dêi pó. Leh pro klêi tơneăn kơxo# 30 [ă troăng kân tơdjêp pơla péa tíu tơkăng kong, tơdjêp pơla 2 tơnêi têa cho tơdroăng po leh kân. A sôk ro, gá kô pro tơ’lêi hlâu vâ kuăn pơlê péa tơnêi têa pơtối rak vế ki tơru\m [ă dêi pó tung mơnhông mơdêk ‘na cheăng kâ.

Việt Nam [ă Kul cho péa tơnêi têa ki achê, hiăng ai tơdroăng tơru\m sap ing ton nah. Tíu tơkăng kong a tơnêi pơla péa tơnêi têa ki xo\n dâng 1 rơpâu 200 km tơkâ hluâ tíu tơkăng kong dêi 10 to kong pơlê dêi Việt Nam, [ă 9 to kong pơlê dêi kong têa Kul. Tơdroăng mơdêk tơru\m môi tiah hmâ, tung tâi tâng tơdroăng cheăng pơla Việt Nam [ă Kul tối tơchuâm [ă mơjiâng troăng tơkăng kong hơniâp le\m, tơniăn, tơru\m tơrôa hnối mơnhông mơdêk krá ton xo\n pơla péa tơnêi têa, cho tơdroăng ki xiâm, châ kăn xiâm péa tơnêi têa tơmâng ngăn khât [ă pơkâ thế pêi pro. Xua ing tơdroăng pơkâ mê, péa tơnêi têa hiăng k^ hên mâu tơdroăng tơhrâ pơla mâu kong têa tơru\m cheăng tung tâi tâng troăng tơkăng kong a tơnêi.

Tơdrêng [ă pro leh hiăng pro klêi péa to tơneăn tâp hdró tíu tơkăng kong, tơneăn kơxo# 30 [ă 275 kố nah, troh nôkố, péa tơnêi têa hiăng tâp hdró tíu tơkăng kong vâ chê 90% troăng tíu tơkăng kong a tơnêi, pê klêi hnoăng cheăng mơnhên, mơjiâng tâi tâng mâu tơneăn tâp hdró ki ai krâ inâi tơnêi têa a 10 kơpêng 10 to tơneăn tâp hdró a bo cheăng tíu tơkăng kong lâp plâi tơnêi, tơdrêng [ă tơneăn hdró apoăng (tơneăn a 3 hơlâ troăng tơkăng kong dêi Việt Nam, Lếo [ă Kul) [ă tơneăn hdró má mơ’nui (cho tơneăn 314) drô troăng tơkăng kong a tơnêi pơla Việt Nam [ă Kul, hiăng ai 297 to tơneăn hdró ki xiâm châ mơjiâng pro. A leh pro klêi tơneăn kơxo# 30, pôa Nguyễn Tấn Dũng, Ngế pro xiâm hnê ngăn Chin phuh tối rơdêi: Kố cho tơdroăng pêi pro ai pơxúa kal khât, mơhno tối ivá mơ-eăm dêi Kăn pơkuâ [ă kuăn pơlê péa tơnêi têa tung tơdroăng mơdêk [ă re#ng pêi klêi tâi tâng hnoăng cheăng hdró tơneăn tâp tơkăng kong a tơnêi pơla Việt Nam [ă Kul, rơtế dêi pó mơjiâng troăng tơkăng kong hơniâp le\m, tơru\m tơroâ [ă mơnhông mơdêk krá tơniăn. Pro tơ’lêi hlâu ăm tơdroăng ki rak ngăn troăng tơkăng kong, trâm mâ, tơru\m cheăng, to\ng kum dêi pó tung tâi tâng mâu kơvâ cheăng kâ, tê mơdró, ‘no liăn cheăng ôm hyô pơla péa kong pơlê Gia Lai [ă Ratanakiri [ă péa tơnêi têa pin.

Ma luâ hiăng châ pêi rơhéa mâu tơdroăng ki kal, la Chin phuh péa tơnêi têa Việt Nam [ă Kul xuân ối ai hên tơdroăng athế pêi klêi tâi tâng hnoăng cheăng tâp tơneăn hdró troăng tơkăng kong. A rôh hiăng mơjiâng klêi Tơneăn tâp hdró kơxo# 30, Ngế pro xiâm hnê ngăn péa tơnêi têa Việt Nam [ă Kul pơkâ thế khu ki xing xoăng tơneăn tâp hdró troăng tơkăng kong, mâu khu xiâm, kơvâ cheăng [ă tơkăng kong 2 tơnêi têa kal pơtối mơ-eăm [ă tơru\m cheăng krá tơniăn tâ tung pơkâ tơleăng mâu tơdroăng ki tá hâi pêi klêi vâ re#ng pêi klêi tâi tâng hnoăng cheăng xing xoăng hdró tíu tơkăng kong pơla 2 tơnêi têa Việt Nam [ă Kul, rak ngăn tro tơdroăng a troăng tơkăng kong hơniâp le\m, tơniăn, mơnhông mơdêk. Pôa Samdech Techo Hun Sen, Ngế pro xiâm hnê ngăn Chin phuh kong têa Kul tối: Ki klâi ki pin hiăng châ [lêi chiâng tung pơla hdrối kố nah, tung mê, ai tơdroăng ki mơnhên [ă tâp tơneăn hdró tíu tơkăng kong, tơdroăng ki ‘mâi mơ-eăm mơnhông mơdêk, tơru\m cheăng pơla péa tơnêi châ pêi pro sap ing tơdroăng ki rơtế dêi pó tăng troăng hơlâ tơdjuôm tung tuăn hiâm tơru\m cheăng tơdrăng le#m, ‘nâi hơ-ui, ki pin hiăng ai xêh sap ing lối chât hơnăm hiăng hluâ. Mê cho tơdroăng ki kal ki pin athế pêi pro châ tơ-[rê vâ mơnhên mâu túa pơkâ tơru\m cheăng tung la ngiâ, [ă hnối rơtế dêi pó pơkâ tơleăng mâu tơdroăng ki tá hâi pêi klêi, tơkâ hluâ mâu tơdroăng pá vâ pêi pro kêi tơdroăng pơcháu ahdrối, kum pơxúa ăm péa hdroâng kuăn ngo [ă kuăn pơlê péa tơnêi têa tiô túa ki châ tơ-[rê hôm khât.

Leh hiăng mơjiâng klêi tơneăn tâp hdró tíu tơkăng kong kơxo# 30 [ă kơxo# 275 cho tơdroăng ki kal khât, tối rơdêi tro ‘ló dêi hnoăng cheăng xing xoăng tâp tơneăn hdró tíu tơkăng kong ki péa tơnêi têa Việt Nam [ă Kul hiăng [ă dế pơkâ pêi pro, mơhno tối ivá mơ-eăm dêi kăn pơkuâ [ă kuăn pơlê péa tơnêi têa tung tơdroăng ki re#ng pêi klêi tâi tâng hnoăng cheăng xing xoăng tâp tơneăn hdró tíu tơkăng kong a tơnêi pơla Việt Nam [ă Kul, veăng kum kal khât tung tơdroăng ki ‘mâi mơ-eăm [ă mơdêk tơru\m cheăng khôi túa pơla péa tơnêi têa.

Gương chêh [ă tơbleăng