VOV4.Sêdang - Trung đoân [o# [inh pro đông a tơring Đak Tô, kong pơlê Kon Tum, tung mâu hơnăm hiăng hluâ, pêi pro tơdroăng tơru\m pơla kơvâ ngăn pơkeăng, khăm pơlât [a\ khu lêng, Trung đoân 24, Sư đoân 10 hiăng tơru\m [a\ hngêi pơkeăng cheăm Tân Cảnh, tơring Đak Tô, kong pơlê Kon Tum mơjiâng hngêi pơkeăng khu lêng – kuăn pơlê, rêm hơnăm tơku\m po khăm pơlât ăm rơpâu ngế kuăn pơlê tung tơring. Tơdroăng pêi cheăng ki pơxúa kố kum thăm mơdêk tơdroăng ngăn pơkeăng [a\ khăm pơlât dêi tơring; tơdrêng amê, mơhno tơdroăng pâ nhoa#m pơla khu lêng [a\ kuăn pơlê thăm rế trâu hơngế dêi ngoh Mô đo#i Pôa Hồ a kơpong tơnêi peăng kơnho\ng Tây Nguyên. Ngế chêh hlá tơbeăng Rơ’jíu Việt Nam a kơpong Tây Nguyên ai chêh tối ‘na tơdroăng mê.

            Sap ing kơxo má, ngoh A Thọ, hdroâng mơngế Rơngếo, ối a pơlê Deak Rếi Yôp djâ dêi kuăn kơdrâi Y Nhiên troh a hngêi pơkeăng khu lêng – kuăn pơlê cheăm Tân Cảnh, tơring Đak Tô vâ pơtối khăm pơlât xua kuăn kơdrâi ngoh ối châi môi pâ chêng. A Thọ tối ăm ‘nâi, pơlê ngoh ối pá tá kông vế, kơtăn hngêi pơkeăng khu lêng – kuăn pơlê lối chât km. Hdrối nah, tơdroăng prôk lăm pá puât, ối a hơngế hngêi pơkeăng tơring, xua mê rêm roh tamo châi, kuăn pơlê hmâ pơlât tiô túa vâi krâ nah, lôi ton xuân ôh tá prêi le\m. Hên ngế tamo châi ton, laga ôh tá ‘nâi pơrea\ng ki klâi; thăm nếo hlâ ôh tá ‘nâi xiâm kối tro pơrea\ng klâi. Sap ing hngêi pơkeăng khu lêng – kuăn pơlê châ mơjiâng a cheăm Tân Cảnh, kuăn pơlê tung pơlât châ rak ngăn ivá tơniăn tâ. Ngoh A Thọ tối: Rơpo\ng ai mơngế tamo châi, a đi đo prôk tơkâ kong vâ hnêi pơkeăng hlá vâ ôu. Sap ing ‘nâi hngêi pơkeăng kố, rơpo\ng tamo châi, a pơrá lăm khăm pơlât a hngêi pơkeăng. Rơpo\ng á loi tơngah khât [ok thái pơkeăng Mô đo#i akố.

            Pro tơdroăng tơru\m cheăng pơla Khu xiâm ngăn pơkeăng [a\ khăm pơlât [a\ Khu xiâm pơkuâ lêng, kơtăn kố 6 hơnăm, hngêi pơkeăng cheăm Tân Cảnh [a\ hngêi pơkeăng 24, ối tung Trung đoân 24, Sư đoân 10, Kuân đoân 3, tơru\m mơjiâng hngêi pơkeăng khu lêng kuăn pơlê Tân Cảnh. Y sih Nguyễn Thị Thanh Huyền, thái pơkeăng pơkuâ hngêi pơkeăng cheăm Tân Cảnh tối ăm ‘nâi, rêm hâi, hngêi pơkeăng 24 pơrá pơtroh 1 troh 2 ngế [ok thái pơkeăng tơru\m [a\ [ok thái pơkeăng a cheăm khăm pơlât ăm kuăn pơlê. Hdrối nah, hngêi pơkeăng cheăm Tân Cảnh bu rah khăm pơlât tê, lơ pân mâu ngế ki tro rong ôh tá bê râ [a\ hía hé, laga sap ing châ to\ng kum dêi [ok thái pơkeăng 24, hngêi pơkeăng hiăng khăm pơlât mâu ngế tamo châi ki râ, môi tiah châi xôu, tro rong châ, pơlât mâu ngế ki rong râ. Jâ Nguyễn Thị Thanh Huyền tối: Môi hâi hmâ pơlât 20 troh 30 ngế tamo châi [a\ pơlât ăm mâu ngế ki tamo châi râ ó, pơtih trâm xía vâ, [a\ hía hé. Kuăn pơlê, vâi khe\n kơdeăn [ok thái pơkeăng 24 rơkê kơhnâ tung khăm pơlât.

            Mơngế ki pêi cheăng ton hơnăm păng ‘nâng dêi hngêi pơkeăng 24, ối tung Trung đoân 24, bu 15 ngế, tá mâu [ok thái pơkeăng, y sih, thái pơkeăng, y tă. {a\ hnoăng cheăng apoăng cho rak ngăn ivá ăm kăn [o#, lêng tung đông drêng tamo châi; lơ trâm xía vâ drêng hriâm cheăng lêng, laga mâu [ok thái pơkeăng 24 xuân tơku\m po tơtro mâu tơdroăng hơ’lêh dêi pó khăm pơlât a hngêi pơkeăng khu lêng – kuăn pơlê Tân Cảnh. Thăm nếo, rêm hơnăm, mâu [ok thái pơkeăng akố ối tơku\m po hên roh khăm pơlât, xing xoăng pơkeăng tê kơtê a mâu pơlê ki trâm pá puât, kơpong hdroâng kuăn ngo; hnê pơtâng tối ăm kuăn pơlê mơgrúa le\m tơdroăng rêh kâ ối, hbrâ mơdât pơrea\ng, pâk pơkeăng vaccine ăm vâi kơdrâi mơ-êa kuăn ngá [a\ vâi hdrêng ối kuăn; khăm pơlât tê kơtê ăm mâu ngế krâ, kăn [o# hiăng pơtê cheăng, mâu ngế ai hnoăng [a\ kăch măng. Thươ\ng u\y Phạm Thanh Lịch, kăn pho\ pơkuâ Đăi đo# 24, Trung đoân 24, Sư đoân 10 tối ăm ‘nâi: Ngin đi đo hơ’lêh dêi pó gâk kring, ing hbrâ tơnáu tơplâ troh gâk a hngêi pơkeăng, tơniăn tu\m mơngế vâ khăm pơlât. Ki rơhêng vâ tối drêng hngêi pơkeăng pơkâ thăm pơlât tơ’nôm lơ mâu roh thế pâk pơkeăng lơ khăm pơlât ivá rêm hneăng ăm kuăn pơlê.

            Hơnăm kố nah, hngêi pơkeăng khu lêng – kuăn pơlê Tân Cảnh, tơring Đak Tô hiăng khăm pơlât ăm lối 6 rơpâu roh ngế tamo châi a tơring, tơku\m pâk pơkeăng vaccine ăm vâi muăn, vâi hdrêng ối kuăn; pêi pro tiô tơdroăng ki pơtâng tối hbrâ mơdât pơrea\ng, môi tiah tơngê lo mơheăm, kơ-o lo mơheăm, pơkuâ mâu ngế hơbáu jâi. Thươ\ng tă Nguyễn Xuân Lai, kăn pơkuâ cheăng Đảng Trung đoân 24, Sư đoân 10, Kuân đoân 3 tối ăm ‘nâi: Tơdroăng ki ngin dế tô tuăn, kal to\ng kum mơngế [a\ kum kuăn pơlê cho má môi,  xua mê ngin hiăng pơtroh mâu [ok thái pơkeăng ki ai hnoăng, rơkê khăm pơlât, veăng khăm pơlât ăm kuăn pơlê rơtế khu [ok thái pơkeăng kơvâ cheăng lêng, y tă, y sih, laga ôh tá ai hên mâu [ok thái pơkeăng. Laga drêng pêi pro hnoăng cheăng, túa pơkâ cheăng châ mơjiâng, mê ngin xuân pơtroh khu [ok thái pơkeăng rêm hâi. Ing mê, cho vâ rak ngăn tơniăn ivá mo dâi, tơdroăng loi tơngah [a\ khu [ok thái pơkeăng kơvâ cheăng lêng, má péa nếo, pơtối mơjiâng um méa Mô đo#i Pôa Hồ tung kuăn pơlê.

A Sa Ly tơplôu [a\ tơbleăng