VOV4.Sêdang - Kơxo# ki pơtroh ho\ng kơmăi Telegraph dêi Ăng-glê ăm ‘nâi, rôh tơnêi tơdro 7,4 đo# richter a hâi lơ 12 khế 5 a kong têa Nepal hiăng pơtối pro lối ki vâ iâ ai 42 ngế a Nepal, Ấn Độ [ă Tây Tạng (Sinuâ) hlâ. Tiô tơdroăng ăm ‘nâi, mâu ngế ki hlâ a Nepal ki iâ hlá ai 36 ngế [ă lối 1 rơpâu 100 ngế ki ê tro rong. Rôh tơnêi tơdro tung pơla kong têa Nepal xuân ối trâm pá puât, hliăng tiâ [ă môi rôh tơnêi tơdro ki tá hâi chói trâm, rơ-iô má môi hnối athế vêh mơjiâng hngêi trăng, tơmeăm khoăng tung tơnêi têa klêi kơ’nâi rôh tơnêi tơdro 7,9 đo# richter a hâi lơ 25 khế 4 hdrối kố nah. Xông tơpui tung rôh hôp chin phuh tơdrêng a kơxê lơ 12 khế 5, klêi kơ’nâi Nepal pơtối trâm rôh tơnêi tơdro ki rơ-iô, poâ Sushil Koirala, Ngế pro xiâm hnê ngăn kong têa kố krếo thế kuăn pơlê Nepal tơru\m vâ tơkâ hluâ tơdroăng ki ôh tá tơniăn kố. Poâ Sushil Koirala xuân krếo thế kuăn pơlê to\ng kum ăm mâu tơdroăng ki tí tăng, to\ng xo mâu ngế ki hlâ dêi rôh tơnêi tơdro mê. Chin phuh Nepal hiăng mơhnhôk ‘no mâu kơxo# liăn troh pơlê kong xiâm Kathmandu [ă mâu kơpong ki trâm rơ-iô dêi rôh tơnêi tơdro vâ to\ng kum kuăn pơlê.

Katarina Nga tơplôu