VOV4.Sêdang – Kan sât kong têa Nepal a hâi lơ 2 khế 5 nếo tối pơtâng ăm ‘nâi, kơxo# mơngế hlâ klêi kơ’nâi tơnêi tơdro têi troh 7,9 đo# richter a hâi lơ 25/4 hiăng tâk troh 6.624 ngế [ă lối 14.200 ngế tro rong.

Kơtăn môi pơla măng t^ng klêi tơnêi tơdro ki xâu xía pá kâi tối mê Nepal xuân ối kơdôu mơ-eăm tăng to\ng xo mơngế ki ối kreăng, kơđu tung kơdâm hmốu, tơnêi kơroh kơrâm. Mâu hâi tí tăng to\ng xo mê hiăng tơkâ hluâ xuân ôh tá kâi tơngah châ tăng hlo mơngế ki ối rêh.

                     Môi ngế kơnốu nếo châ to\ng xo ing kơpong hngêi trăng, tơnêi hmốu rơlâm tơhnâp (Um: EPA)

Hâi lơ 2/5, Chin phuh Nepal hiăng tối tơbleăng pá vâ châ tăng to\ng xo mơngế ki ối rêh klêi kơ’nâi tơnêi tơdro, rơlâm, tơhnâp ki têi ó má môi tung plâ 80 hơnăm hiăng hluâ a kong têa kố.

Tí xê to a kong têa Nepal, tơnêi tơdro kố xuân ai tơdjâk troh 2 to kong têa ki ối achê cho Ấn Độ [ă Sinuâ, pro 110 ngế hlâ. Tung pơla mê, Khu tơru\m châu Âu ăm ‘nâi, ai dâng 1.000 ngế kuăn pơlê dêi châu Âu a Nepal, ki hên cho mâu ngế ki lăm ôm hyôu, nôkố tá hâi châ tơpui phôn kơ-êng tơdroăng rêh ối, klêi kơ’nâi tơnêi rơlâm tơhnâp.

Nhat Lisa tơplôu