VOV4.Sêdang – Tiu Khu xiâm ki to\ng kum mâu hliăng tiâ dêi kong têa Nepal, dó inâi NEOC tối pơtâng a hâi lơ 1 khế 5, tơdroăng ki rong râ hlâ hía drêng tơnêi rơlâm tơhnâp a lơ 25 khế 4 hdrối kố nah a kong têa kố troh nôkố hiăng tâk troh 6 rơpâu 204 ngế hlâ [ă 13 rơpâu 932 ngế tro rong. Dế kố, xuân ai hên khu tí tăng to\ng xo, veăng kum mâu ngế ki tro tơnêi, hmốu tâu kơđu [ă kum mâu ngế ki tơ’nhiê hngêi trăng, pơla mê, tơnêi xuân ối rơlâm tơhnâp. Pôa Lowson, môi ngế kăn pơkuâ cheăng tung Khu lo to\ng veăng dêi Nepal tối ăm ‘nâi: ‘’Dế nôkố, Nepal dế trâm pá ó pá kâi tối, xâu xía xua pơreăng xông tâ tú, xua tơnêi tơníu, kong kế akố dế ‘mêi ‘măk, kuăn pơlê akố ôh tá ai têa krúa vâ ôu hum. Mơhé chin phuh hiăng pơtroh pơkeăng ăm kuăn pơlê, la kuăn pơlê akố ôh tá ‘nâi ôu, mơhé ôu pơkeăng la ôh tá tro tơdroăng vâ hbrâ mơdât pơreăng tâ tú’’.

Nhat Lisa tơplôu