Hdrối nah, vâi krâ-nho\ng o hiăng tro hyông tung tơnêi tíu, kong kế ki tá hâi teăm hmâ kố, tơdroăng rêh ối prôk u tâi u tá, hêng klêa mơnguâ hrâ, pá ‘nâi ai hâi la ngiâ, ôh tá ai troăng hơlâ bâ eăng. Kơnôm ai troăng hơlâ dêi Đảng, Pôa Hồ hnê tơdjâ, mê pơlê cheăm nếo ai tơdroăng rêh kâ ối tiah hâi kố. Tơnêi têa tơru\m chiâng môi, kuăn pơlê hdroâng Mạ nếo ai tơdroăng rêh ối tơniăn, pêi cheăng kâ niân hlâu, hiăng tơniăn ối môi tíu.

Mê cho mâu tơdroăng ki pơto pơtih tung rơngêi dêi pôa K’Năm, pôa tơmiât bro xêh tơdroăng rơngê tiô tơdrá Long dêi hdroâng Mạ, vâ mơhno tối tơdroăng  tơmiât dêi tơná ‘na rêh kâ ối nếo. Tối ‘na tơdroăng rêh ối tơniăn [ă mơnhông mơdêk môi tiah hâi kố, pôa pơtối hơdruê nếo, tiô tơdrá tampơt, pôa ai pơto tiah kố:

Hdrối nah, kuăn pơlê trâm hên pá puât, athế hếo văng ngo, tơkâ têa, đi đo trâm to tơdroăng ki pơloăng mơnúa. La troh hâi kố, kơnôm ai Đảng Tơnêi têa to\ng kum, mơ’no to\ng kum hên tơdroăng tơkêa bro ki kân, môi tiah Tơdroăng 135, 132, 134 [ă ki ê hía nôkố kuăn pơlê hiăng hơniâp ro ‘nâi mơnê Đảng, Tơnêi têa. Nôkố tơdroăng tơplâ hiăng hơngế, rêh ối ôh pá trâm kơklêa xếo, ôh pa ai kơtâu xâu xâ mot tung kong môi tiah rơxông jâ pôa roh nah.

Rêm tơdroăng hiăng châ Đảng, Tơnêi têa djâ pro pơlê cheăm tơniăn môi tíu. Tâi tâng hdroâng kuăn ngo tung lâp tơnêi têa pin kố pơrá tơdâng tơ’mô, kơhnâ khât tung pêi cheăng kâ.

Pôa K’Năm tối, kơnôm ai Đảng, Tơnêi têa mê mâu pơlê cheăm ôh pá ai pá puât, hêng klêa môi tiah hdrối nah. Chôu phut kố, troăng prôk hiăng tơniăn, rơxế xuân hiăng ai hlâu, on tơhrik hiăng bâ eăng lâp luô, tơdroăng rêh ối hiăng tơniăn tung pơlê cheăm, hiăng pêi lo hên báu phái, prá alâi, kơphế … kuăn ngo ngin akố hiăng pêi pêt mơjiâng hên tơmeăm ki pêi lo liăn ngân. Tơdroăng ki pôa  pói rơhêng vâ má môi dế nôkố pro ti lâi vâ mơhno túa le\m tro dêi hdroâng kuăn ngo châ pơtối ‘măn rak, tơrâng vế [ă mơnhông mơdêk:

Sap ing ton t^n nah, tơdroăng rơngêi ting ting dêi hdroâng kuăn ngo hiăng ối tung tơdroăng rêh ối, cheăng kâ dêi hdroâng Mạ. Xua ti mê, pói rơhêng vâ Đảng, Tơnêi têa to\ng kum, vâ khoh ai mơngế pơtối hnê ‘na tơdroăng rơngêi ting ting dêi jâ pôa pin hiăng ‘măn ăm, vâ rơxông nếo ôh tá piu dêi tơdroăng rơngêi ting ting ki vâi krâ hiăng ‘măn ăm sap nah.

 Môi tiah hơdruê tampơt, hơdruê long, tô hơkâ, to\n chêng tơgôu koăng, hơ’muăn pơrá cho tơdroăng ki kơnía git dêi vâi krâ pin roh nah. Pro ti lâi vâ vâi krâ-nho\ng o hdroâng kuăn ngo ngin pơtối châ tơrak vế dêi mơhno túa le\m tro, tơdroăng rơngêi ting ting dêi jâ pôa, ăm tơdroăng rêh ối rế hía rế tơniăn le\m tâ.

Xuân pói rơhêng vâ rơxông kuăn cháu dêi hdroâng Mạ, mơngế K’ho xuân môi tiah mâu hdroâng kuăn ngo ki ê a Tây Nguyên, đi đo tơru\m, ‘nâi hơ-ui pâ dêi pó, ‘nâi ‘măn rak, tơrâng vế mơhno túa le\m tro dêi jâ pôa, kơhnâ tung hriâm tâp, khât tung pêi chiâk pêi deăng, ăm tơdroăng rêh kâ ối rế hía rế phâi tơtô [ă krá tơniăn.

Lơ Mu K’ Yến chêh

Nhat Lisa tơplôu [ă tơbleăng