VOV4.Sêdang - Hâi lơ 3 khế 6, a Hà Nội, Ngế pro xiâm hnê ngăn Chin phuh pơkuâ po Hneăng hôp mơ’no tơdrêng tung um tivi lâp tơnêi têa ‘na Baoh hiâm khăm pơlât ăm tâi tâng kuăn pơlê. Xông tơpui a rôh pơxiâm po hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa tối tiah kố, 78% pơ’leăng mâ kuăn pơlê veăng roê baoh hiêm khăm pơlât môi tiah nôkố hiăng tro khât, la kal tăng troăng hơlâ vâ kơvâ to\ng kum baoh hiêm khăm pơlât tâk lối 90%. Pôa Nguyễn Xuân Phúc tối rơdêi, baoh hiêm khăm pơlât cho tơdroăng ki xiâm ‘na rêh ối pơlê pơla tơmâng ngăn xua ivá châ chăn kuăn mơngế. Hluâ 20 hơnăm rôe xúa baoh hiêm khăm pơlât, kơnôm tơdroăng pơkuâ dêi Đảng, Tơnêi têa, ivá mơ-eăm dêi mâu khu xiâm, kơvâ cheăng pêi ‘na hnoăng cheăng kố hiăng mơ-eăm ‘nâng. La ai rơkong kơ-êng nôkố kơxo# kuăn pơlê ki veăng roê baoh hiêm khăm pơlât tâk 78% hiăng hên há lơ ôh? Ngế pơkuâ Chin phuh tối tiah kố, a hneăng hôp rôh kố kal tơpui tơno vâ tăng troăng hơlâ mơdêk tơdroăng rôe xúa baoh hiêm khăm pơlât, vâ rêm ngế kuăn pơlê pơrá châ xúa ing tơdroăng ki kal kố, mê cho ivá ăm kuăn pơlê, malối cho mâu khu ki ai tơdroăng xơpá.

Katarina Nga tơplôu [ă tơbleăng