VOV4.Sêdang - Kơxo lơ 12/10, a pơlê kong kân Cần Thơ, pôa Nguyễn Xuân Phúc, Ngế pro xiâm hnê ngăn tơnêi têa pơxiâm tơpui tơno [ă kuăn pơlê pêi chiâk Việt Nam rôh má 3 khu tơdroăng ki kân. Drêng xông tơpui, pôa Nguyễn Xuân Phúc hâk mơnê kuăn pơlê ki pêi chiâk dêi lâp tơnêi têa hiăng kơ-êng dâng 2 rơpâu tơdroăng kơ Ngế pro xiâm hnê ngăn tơnêi têa, tung mê ai mâu tơdroăng kơ-êng tiâ tơdrêng ‘na uâ mơdiê [ă tê kế tơmeăm pê lo ing chiâk deăng kuăn pơlê veăng pêi mâu tơdroăng pơxúa tung pêi lo kế tơmeăm [ă tê kế tơmeăm ăm kong têa ê.

Ngế pro xiâm hnê ngăn Chin phuh tơpui tơno [ă kuăn pơlê pêi chiâk rôh má 2

Ngế pro xiâm hnê ngăn ăm ‘nâi, kô hnê mơhno ăm Ngế xiâm pơkuâ ngăn ‘na chiâk deăng [ă mơnhong thôn pơlê, Ngế xiâm pơkuâ ngăn tê mơdró, Hngêi rak liăn tơnêi têa Việt Nam rơtế tiâ mơnhên mâu tơdroăng ki kuăn pơlê tô tuăn kơ-êng, malối mâu kuăn pơlê ki ối a kơpong Tơbăng kroăng Cửu Long, cho kơpong pêi chiâk ki kal má môi dêi lâp tơnêi têa.

Klêi rôh tơpui tơno mê, Ngế pro xiâm hnê ngăn tơnêi têa kô pơtối tơpui [ă kuăn pơlê kơpong tơdế Tơnêi têa. Tơdroăng Ngế pro xiâm hnê ngăn tơnêi têa tơpui tơno [ă kuăn pơlê pêi chiâk rôh má péa ki pơtối mơhno ki Đảng, Tơnêi têa tơmâng khât troh kuăn pơlê ki pêi chiâk deăng Việt Nam, tơmâng tơdroăng kuăn pơlê tối, tiâ mơnhên tơdroăng kuăn pơlê tô tuăn vâ mơdêk ‘na pêi chiâk deăng, kuăn pơlê, thôn pơlê mơnhông tơ-[rê tung la ngiâ.

Gương tơplôu [ă tơbleăng