VOV4.Sêdang - Xuân tung po hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa hiăng pơchuât hlá mơ-éa tối tơbleăng ‘na cheăng kâ rêh ối pơlê pơla hơnăm 2019 [ă túa pơkâ mơnhông mơdêk cheăng kâ rêh ối pơlê pơla hơnăm 2020.

Kơnôm ing tơdroăng pêi pro kơhnâ dêi tâi tâng Đảng, tâi tâng kuăn pơlê, tâi tâng khu lêng, tiô tối kô klêi mâu túa pơkâ mơnhông mơdêk cheăng kâ rêh ối pơlê hơnăm 2019, cho hơnăm má 2 hlối pêi pro klêi [ă tơkâ luâ tâi tâng 12 tơdroăng pơkâ ki xiâm, tung mê ai 5 tơdroăng pơkâ tơkâ luâ túa pơcháu.

Ngế pro xiâm hnê ngăn pơchuât hla mơ-éa a ngiâ Kuo#k ho#i 

Mơdêk cheăng kâ tơkâ luâ tơdroăng ki pơkâ mơ’no tung pơla ối rak vế tơniăn cheăng kâ kân krá tơniăn tâ, séa ngăn drêng ối rak vế tơniăn cheăng kâ kân châ ‘mâi mơnhông, po rơdâ. Tiô riân ngăn, tơdroăng ki mơdêk GDP plâ hơnăm tiô riân châ lối 6,8%, ối tung khu mâu tơnêi têa mơdêk xiâm tung kơpong, [ă tung lâp plâi tơnêi. ‘Na tơdroăng a Biển Đông, Ngế pro xiâm hnê ngăn tơnêi têa tối nhên, hiăng [ă dế pơtối kơhnâ, tơplâ [ă hên troăng hơlâ tơtro [ă luât kong têa ê.

Troăng hơlâ tơtro, túa tơmiât tơdrăng [ă mâu ivá mơ-eăm dêi Đảng, Tơnêi têa pin hiăng châ xo tơdroăng ki môi tuăn, tơdjuôm ivá dêi kuăn pơlê tung lâp tơnêi têa [ă tơdroăng ki môi tuăn tung lâp lu dêi pơlê pơla kong têa ê.

Katarina Nga tơplôu [ă tơbleăng