VOV4.Sêdang - Peăng xêi lơ 29/11, a tíu pêi cheăng xiâm dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa hiăng pơkuâ ngăn hneăng hôp dêi Khu xiâm ngăn Chin phuh [ă mâu khu râ xiâm, kơvâ cheăng ‘na mâu hnoăng cheăng, troăng hơlâ xiâm tung rak vế, pêi pro mâu tơdroăng pơkâ mơnhông pêi cheăng kâ-rêh ối pơlê pơla [ă tơdroăng pêi lo, hrê liăn dêi tơnêi têa troh a hơnăm 2020.

A hneăng hop mê, mâu kăn hiăng tơpui tối ‘na mâu tơdroăng cheăng ki xiâm dêi tơdroăng pơkâ ki hiăng châ mơ’no apoăng hơnăm. Tiô tơdroăng ki hơ’leh nếo dêi Ngế pro xiâm hnê ngăn Chin phuh, sap apoăng hoăm 2018 troh nôkố, tơdroăng pơkâ kơxo# 01 rêm hơnăm rế hía rế ‘nâng ‘nâi, chêh tối nhên, tu\m tơdroăng, ai to mâu tơdroăng ki kal xiâm. Mâu kăn ki hôp mê hiăng mơ’no tơdroăng ki mơjiâng túa cheăng thăm mơdêk tung tơrêm 3 khế môi hdroh, plâ hơnăm [ă ai tá mâu tơdroăng ki chêh tối tu\m têk la kal athế ‘nâng ‘nâi, rêm khu râ, kơvâ cheăng, bu tối 1 troh 2 tơdroăng pơkâ xiâm.

Mơgêi hneăng hôp, Ngế pro xiâm hnê ngăn tơnêi têa pâ thế Khu xiâm ngăn ‘na pơkâ – mơ’no liăn cheăng pơtối pơkuâ xiâm, tơru\m cheăng [ă mâu khu râ, kơvâ cheăng ai tơdjâk troh vâ chêh bro klêi tơdroăng pơkâ tro tiô tơdroăng ki dâi khât, mơhno tối mâu tơdroăng ki kal dêi hơnăm 2020, pơtroh ăm Chin phuh a roh hôp tiah hmâ a la ngiâ.

Nhat Lisa tơplôu [ă tơbleăng