VOV4.Sêdang - Kơxo lơ 17/8, pôa Phạm Minh Chính, Ngế pro xiâm hnê ngăn tơnêi têa  hiăng pơkuâ hneăng hôp Chin phuh tơpui tơdroăng’na luât khế 8/2021. Tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên, pêi pro tiô pơkâ hneăng hôp má 13 dêi Đảng , tơdroăng pêi pro dêi Chin phuh, tơdroăng cheăng pêi tơdrốu khế, tơkŭm pêi 3 tơdroăng ki kal, 6 tơdroăng cheăng ki xiâm, 12 tơdroăng cheăng ki kal dêi hneăng ki kố, tung mê, ai mơjiâng luât pơkâ.

Ngế pro xiâm hnê ngăn tơnêi têa thế, mâu khu xiâm pơtối rak vế tro hnoăng cheăng pêi xua kuăn pơlê, xua tơnêi têa, tơkŭm pơkuâ hnê, mơhno tâi tâng tơdroăng cheăng, tơkŭm mơjiâng luât, pái tơdroăng pêi tơ-ƀrê. Tíu ki lâi ối tơvâ tơvân mê kô séa ngăn, pơxâu phâk tro tiô pơkâ dêi Đảng, Tơnêi têa. Drêng hiăng môi tuăn mê kô pêi pro tro tiô tuăn kuăn pơlê, mâu ki iâ pro tiô mâu ki hên, môi ngế pro tiô mâu pú hên, râ pá xôp loi kơ râ kơpêng.

Thăm rế pá, rế tơvâ tơvân thế rế môi tuăn dêi rơpó, thăm tơchoâm môi rơkong tơpui . Alâi, drêng lâi xuân thế tơrŭm dêi rơpó, ngế ối ako athế chiu pôu pá, mơ-eăm râng hnoăng cheăng. Tơdroăng gá pin thế rơtế ƀă dêi rơpó môi tuăn, tơrŭm krá ƀă dêi rơpó. 

Gương tơplôu ƀă tơbleăng