VOV4.Sêdang -  Ƀơrô Chin phuh nếo pơtroh hlá mơ-eá ăm mơngế cheăng ngăn pơkeăng ‘na  hbrâ mơdât pơreăng COVID-19  troh Ngế xiâm ngăn pơkeăng pơlât, Kăn xiâm hnê ngăn Vi ƀan kong pơlê, pơlê  kong kân dêi râ xiâm Tơnêi têa. Ing mê, hlo pơreăng COVID-19 pơtối tâ tú rơ-iô, kal thế mơdêk teăm tăng mơngế ki cheăng hbrâ mơdât pơreăng , malối cho mâu ngăn pơkeăng ƀok thái pơkeăng, điều dưỡng cheăng pơlât, hồi sức cấp cứu ăm mâu kong pơlê ki ai hên kơxô̆ mơngế tâ pơreăng dế hên a mâu kong pơlê peăng Hdroh tơnêi têa.

Pôa Phạm Minh Chính, Ngế pro xiâm hnê ngăn tơnêi têa mơhnhôk mâu ngế cheăng hbrâ mơdât pơreăng

Ngế pro xiâm hnê ngăn tơnêi têa hnê mơhno: Khu xiâm ngăn pơkeăng pơlat hbrâ, thâ pêi rĕng tâ nếo tung tơdroăng hnê mơhno tơkŭm po hnê hriâm, mơdêk ivá cheăng pơlât, hồi sức cấp cứu tung lâp tơnêi têa; ngăn a tơdroăng  pơkâ ƀă ivá hôm kâi vâ ai tiô tơdroăng tơdroăng púi vâ tơchoâm tung lâp tơnêi têa, tơbleăng tơdrêng tơdroăng vâ pơtroh thế, kum ăm teăm tơdrêng a mâu kong pơlê ki ai hên kơxô̆ mơngế tâ tú ó.

Kăn xiâm hnê ngăn Vi ƀan hnê ngăn mâu kong pơlê, pơlê kong kân râ tơnêi têa hnê mơhno, pro tơ’lêi hlâu vâ mâu tíu khăm pơlât kong pơlê mơdêk hnoăng cheăng  pêi cheăng ƀă mâu ngế ki kum pêi cheăng tiô tơdroăng pơkâ thế dêi Khu xiâm ngăn pơkeăng ƀă khăm pơlât.

Gương tơplôu ƀă tơbleăng