VOV4.Sêdang - Pêi cheăng [ă kăn pơkuâ xiâm dêi kong pơlê Lào Cai [ă mâu khu xiâm, kơvâ cheăng ki ai tơdjâk troh ‘na tơdroăng ki mơjiâng pơlê kong krâm Sa Pa po a kơxo lơ 15/3, pôa Nguyễn Xuân Phúc, Ngế pro xiâm hnê ngăn tơnêi têa môi tuăn [ă tơdroăng ki pơtroh ăm Vi [an pơkuâ Kuo#k ho#i ‘na mơjiâng pơlê kong krâm Sa Pa tung tơdroăng cho a tơring Sa Pa.

Kố cho rôh pêi cheăng ki má 2 dêi Ngế pro xiâm hnê ngăn tơnêi têa tung 2 hơnăm hiăng luâ ‘na tơdroăng ki ‘mâi rơnêu tơring Sa Pa chiâng pơlê kong krâm Sa Pa, tíu ki ai tơdroăng ton nah 115 hơnăm mơjiâng [ă mơnhông mơdêk, ai khôi túa tơlá mơhno túa le\m tro. Ngế pro xiâm hnê ngăn tơnêi têa pâ thế Lào Cai [ă Sa Pa kal tơ’mot tơdroăng ki mơnhông mơdêk [ă ki dâi le\m tâ, tơtro\ng ‘na kring vế, tơru\m mâu hdroâng kuăn ngo. Pơkâ thế mâu khu xiâm, kơvâ cheăng rơtế ai troăng hơlâ pro tơ’lêi hlâu ăm Sa Pa châ mơnhông mơdêk.

Katarina Nga tơplôu [ă tơbleăng