VOV4.Sêdang - Pôa Phạm Minh Chính, Ngế pro xiâm hnê ngăn tơnêi têa pơkuâ hôp tơdrêng tung um tiô troăng hyôh internet pơla Khu kăn tung Chin phuh ƀă Pơlê kong kân Hồ Chí Minh, ƀă mâu kong pơlê Bình Dương, Đồng Nai, Long An ‘na tơdroăng hbrâ mơdât pơreăng COVID-19, tung pơla pơreăng dế tâ tú ó a Pơlê kong kân Hồ Chí Minh xuân dế tâ tú rơ-iô.

A rôh hôp, mâu kăn tung Chin phuh ƀă mâu kăn Pơlê kong kân Hồ Chí Minh môi tuăn pêi kơtăng ó tâ nếo, rak vế pêi pro khât tâ nếo tơdroăng pơkâ 16, pơkâ xuá mâu tơdroăng pêi pro kơtăng tâ, vâ tơ-ƀrê tâ, vâ kâi châ mơdât pơreăng tiô tơdroăng pơkâ “môi cheăm bêng cho môi đông” hbrâ tơplâ mơdât pơreăng.

Ngế pro xiâm hnê ngăn tơnêi têa: Mơhnhôk rêm kơvâ cheăng veăng kum Pơlê kong kân Hồ Chí Minh tơplâ mơdât pơreăng 

Pêi pro kơtăng tơdroăng kơtăn vâ pôi tá ăm tâ tú, kơdroh mâu ki F0, kơdroh má môi kơxô̆ mơngế hlâ. Kô ai mâu tơdroăng ki pá, tơvâ tơvân, tơdroăng rêh ối kô trâm pá tâ la tâi tâng mâu tơdroăng pêi pro mê xua vâ râk vế ivá tơniăn ăm kuăn pơlê vâ kuăn pơlê châ phâi tơtô, hơniâp ro. Ngế pro xiâm hnê ngăn tơnêi têa tối nhên, thế tơkŭm khăm ngăn têa hêa, têa hế ‘’khăm tơdrêng’’ tiô tơdroăng pơkâ dêi Khu xiâm ngăn pơkeăng pơlât ƀă mâu tơdroăng pêi pro ki tơtro, kô lăm pôu a tơrêm hngêi vâ khăm ngăn, tăng vâ klâ mâu F0 lo ing kuăn pơlê.

Gương tơplôu ƀă tơbleăng