VOV4.Sêdang - Kơxêi lơ 1 2/11, pôa Nguyễn Xuân Phúc, Ngế pro xiâm hnê ngăn tơnêi têa ai pêi cheăng [ă mâu kong pơlê kơpong Tơdế tơnêi têa ‘na tơdroăng tơkâ luâ xahpá xua khía kân rôh má 9 [ă tí tăng mâu ngế hía, mâu ki trâm xía vâ a Quảng Nam. Pôa Nguyễn Xuân phúc tối nhên, tơdroăng ki kal má môi cho tơpui tơno tơdroăng pêi pro ‘na ki tro hlâ kuăn mơngế, tro lup tơneăm khoăng dêi kuăn pơlê hên, [ă malối ai lôi 40 ngế hía lăm tăng hâi châ hlo.

Ngế pro xiâm hnê ngăn tơnêi têa thế rêm râ, kơvâ cheăng, kong pơlê ai troăng hơlâ pêi nhên vâ hbrâ, tơkâ luâ xahpá, to\ng kum kuăn pơlê vâ kuăn pơlê re\ng châ tơniăn mơnhông tung rêh ối. Tối mơgêi a hâi pêi cheăng, Ngế pro xiâm hnê ngăn tơnêi têa tối nhên, Đảng, Tơnêi têa loi khât kơ kuăn pơlê kơpong Tơdế tơnêi têa khên tơnôu mơ-eăm tơkâ luâ xahpá má môi vâ mơ-eăm mơnhông tơ-[rê.

Ngế pro xiâm hnê ngăn tơnêi têa tối mơgêi a hneăng hôp

Ngế pro xiâm hnê ngăn tơnêi têa tối tiah kố, xua ai khía mơhot kân têa lân lu hiăng hên rơxông kố, kuăn pơlê kơpong Tơdế tơnêi têa xuân thế hmâ, chiu rêh ối [ă têa lu, kong prâi mêi tô hmâng vâ. Tơdroăng cheăng pêi adrối cho tí tăng mâu ngế ki hía. Tơku\m to\ng kum vâ pôi tá ai kuăn pơlê ki lâi trâm pá ‘na kế kâ.

Tơku\m ‘mâi rơnêu pro mâu tơmeăm ki hiăng tơ’nhiê: môi tiah on tơhrik, têa, troăng prôk, hngêi trung, hngêi pơkeăng, hngêi khăm pơlât, hngêi kuăn pơlê ki tơhnâp tơ’nhiê.

Gương tơplôu [a\ tơbleăng