VOV4.Sêdang - Xuân a pơlê kong xiâm Seoul, a kơxo lơ 28/11, pôa Nguyễn Xuân Phúc, Ngế pro xiâm hnê ngăn tơnêi têa hiăng ai roh pêi cheăng [a\ lối 20 khu tê mơdró ki má môi Hàn Quốc tung hên kơvâ cheăng. Ngế pro xiâm hnê ngăn tơnêi têa pói vâ mâu khu tê mơdró Hàn Quốc thăm mơ’no liăn cheăng a Việt Nam, kum pêi lo liăn pơla péa pâ châ 100 rơtal dollars a hơnăm 2020 [a\ kô hên tâ mê nếo.

Xông tơpui a roh tơpui tơno, pôa Han Deok-su, Ngế pro xiâm hnê ngăn kong têa Hàn Quốc hneăng hdrối mơnhên, Hàn Quốc [a\ Việt Nam pơrá cho mâu kong têa pro hlâu cheăng kâ, troăng hơlâ tơ’lêi. Kăn pơkuâ mâu Grup pơkuâ kân dêi Hàn Quốc mơnhên tối, tung troăng hơlâ tơmiât troh peăng hdroh nếo dêi Kăn xiâm pơkuâ kong têa Hàn Quốc, Việt Nam cho kong têa ki kal.

Pôa Nguyễn Xuân Phúc xông tơpui a hneăng hôp

Mâu kơvâ ki mâu khu mơ’no liăn cheăng pói vâ pơtối po rơdâ mơ’no liăn cheăng [a\ tê ‘ngré; tơru\m cheăng [a\ khu tê mơdró Việt Nam vâ tê tơmeăm ngi kong têa ê dêi Việt Nam troh a kong têa ê; mơ’no liăn cheăng kơmăi kơmok, rơxế ôtô, ki má lối cho kơmăi kơmok kum cheăng; pêi chiâk deăng xúa kơmăi kơmok rơxông nếo; on tơhrik [a\ kơmăi kơmok rak vế kong prâi; veăng rôe tơmeăm ki tơdjuôm dêi mâu hngêi arak liăn Việt Nam.

A Sa Ly tơplôu [a\ tơbleăng