VOV4.Sêdang - Tung rôh hôp tiah hmâ dêi Chin phuh a khế 7 hơnăm 2016, kơxêi lơ 1 khế 8, xua Ngế pro xiâm hnê ngăn Chin phuh pơkuâ, mâu kăn tung Chin phuh hiăng hnê tối tung mâu hlá mơ-éa luât, tung mê, ai pơkâ mơjiâng tơdroăng tơkêa dêi luât ki ‘mâi hơ’lêh, tơ’nôm mâu tơdroăng dêi luât ‘no liăn cheăng, tê mơdró. Klêi mâu kăn veăng tơpui tối hên ‘na luât, pôa Nguyễn Xuân Phúc, Ngế pro xiâm hnê ngăn ‘na luât ki ‘mâi hơ’lêh tối nhên, tơdroăng ‘na luât kố klêi ‘mâi hơ’lêh, tơ’nôm thế tah lôi tơdroăng ki pro tơpá, mê athế pro tơ’lêi hlâu ăm mâu khu mơdró ‘no liăn cheăng. Ngế pro xiâm hnê ngăn tối mơhno ăm Khu xiâm ngăn ‘na luât pơkuâ, tơru\m [ă Khu xiâm pơkâ [ă ‘no liăn cheăng, tơmâng, tơdah xo mâu tơdroăng hnê tối dêi khu tơru\m cheăng, mâu ngế [ă hên tơdroăng pêi pro vâ pê klêi tơdroăng tơkêa dêi luât vâ pơtroh ăm Chin phuh tối tơbleăng hlá mơ-éa luât mê a mơ’nui hơnăm 2016. Tơdroăng lôi ton ôh tá tơbleăng, kô pro tơdjâk troh pêi cheăng, tê mơdró, tơdjâk troh tơdroăng ki pêi lo kế tơmeăm.

            Gương tơplôu [ă tơbleăng