VOV4.Sêdang - Kơxo lơ 29/8,  pôa Phạm Minh Chính, Ngế pro xiâm hnê ngăn tơnêi têa, Ngế xiâm pơkuâ hnê mơhno tơnêi têa ‘na hbrâ mơdât COVID-19 hiăng pơkuâ hneăng hôp ‘no tơdrêng tung um tiô troăng hyôh internet ƀă Khu kăn hnê mơhno hbrâ mơdât pơreăng COVID-19 ƀă 20 to kong pơlê, pơlê kong kân, 209 to pơlê krâm tơring, pơlê kong kơdrâm ƀă 1.060 to cheăm bêng, pơlê kân, vâ pêi pro kơtăng tơdroăng tung hlá kơthô dêi Ngế pro xiâm hnê ngăn Chin phuh ƀă mâu tơdroăng ki kal tung hbrâ mơdât pơreăng.

Hneăng hôp mơ’no tơdrêng tung um tiô troăng hyôh Internet dêi Khu hnê mơhno cheăng tơnêi têa ‘na hbrâ mơdât pơreăng COVID-19

Tối mơgêi a hneăng hôp, pôa Phạm Minh Chinh tối nhên, tơdroăng pơkâ ki kân má môi nôkố cho mơdât, rĕng troh tah pơreăng, rĕng pêi pro vâ kâi tơ-ƀrê tiô tơdroăng Pơkâ 86 dêi Chin phuh. Kong pơlê ki lâi hâi pêi tro tiô pơkâ tung tơdroăng Pơkâ mê thế hôu khĕn, tối nhên xiâm ing lâi, malối xiâm ki ôh tá vâ rĕng tơmâng dêi khu pú hên, mâu ngế, ing mê ngăn hriâm rơnêu dêi tơná tung mâu kăn, khu hnê mơhno.

Ngế pro xiâm hnê ngăn tơnêi têa tối, pin hiăng mơ-eăm khât tung pêi cheăng kâ - rêh ối tung tơdroăng pơla klâ kơtăn, pêi pro kơtăng tơdroăng ôh tá chiâng lo pá gong, ôh tá chiâng lo ing hngêi, ngế ki lâi ối ulâi thế ối  amê, thế pơ’lêh séa ngăn mâu tơdroăng.

Gương tơplôu ƀă tơbleăng