VOV4.Sêdang - Kơxê lơ 22/6, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ po rôh hôp dêi Khu pơkuâ Chin phuh ‘na tơdroăng ki mơnhông mâu tơdroăng tơkêa on tơhrik, tung mê ai mâu tơdroăng tơkêa on tơhrik khía, vâ rak tơniăn gak kring on tơhrik tơnêi têa. Tiô tối tơbleăng dêi Khu xiâm ngăn cheăng kơmăi kơmok [ă tê mơdró a rôh hôp, sap ing nôkố troh hơnăm 2025 tơnêi têa xuân mơni kô trâm tơdroăng xơpá ‘na on tơhrik xua mâu tơdroăng tơkêa on tơhrik tro hrá pơkâ mơjiâng pro, malối cho mâu tơdroăng pro on tơhrik.

Xua mê, tâng la ngiâ ah ôh tá ai túa pơkâ ki nếo, rak tơniăn, khoa hok mê kô pro tơ’nhiê túa pơkâ pro on tơhrik a tơnêi têa pin. Ngế pro xiâm hnê ngăn tơnêi têa pơkâ thế Khu xiâm ngăn cheăng kơmăi kơmok [ă tê mơdró, pêi pro tơdroăng pơkâ dêi Khu xiâm pơkuâ tơdroăng kal kí ‘na troăng hơlâ pêi tung la ngiâ mơjiâng pro on tơhrik tơnêi têa dêi Việt Nam troh hơnăm 2030, troăng ngăn troh hơnăm 2045.

Tung mê, mâu tơdroăng cheăng kâ pơrá chiâng vâ veăng mơjiâng tơdroăng tơkêa on tơhrik [ă trăng kơxái ki mơ’no on tơhrik. Pro on tơhrik tơtro [ă tơdroăng ki rak vế kong prâi tíu ối, kơjo kum pro on tơhrik ki ‘mâi pro nếo, iâ tơdroăng ki ‘mêi troh hyôh kong prâi.

Hlo ki khât ‘na kơxo# liăn nâp on tơhrik dêi mâu rơpo\ng kuăn pơlê to kơnâ, a rôh hôp, Ngế pro xiâm hnê ngăn tơnêi têa pơkâ thế Grup pơkuâ on tơhrik Việt Nam pro nhên vâ tơbleăng ăm kuăn pơlê ‘nâi. Tuăn hiâm cho athế rak tơniăn pôi tá ăm ai tơdroăng ki ôh tá tro [ă tơdjâk troh hnoăng pơxúa dêi mâu ngế ki xúa on tơhrik.

Katarina Nga tơplôu [ă bleăng