VOV4.Sêdang - Pôa Nguyễn Xuân Phúc, Ngế pro xiâm hnê ngăn tơnêi têa nếo pơkuâ djâ khu kăn ki pêi dêi hnoăng cheăng dêi Chin phuh lăm séa ngăn hnoăng cheăng ‘mâi rơnêu kế tơmeăm klêi kơ’nâi kong mê khía mơhot, têa kan lân lu a péa kong pơlê Quảng Nam [ă Quảng Ngãi.

Ngế pro xiâm hnê ngăn tơnêi têa diâp 30 hnoăng tơmeăm ăm kuăn pơlê cheăm Tam Quang, tơring Núi Thành, kong pơlê Quảng Nam

A Quảng Ngãi, Ngế pro xiâm hnê ngăn tơnêi têa hiăng pôu kơ-êng, mơhnhôk, veăng hơlêm [ă vâi krâ nho\ng o kuăn pơlê tơring Tư Nghĩa, môi tơring ki tro tơ’nhiê hên kế tơmeăm má môi xua khía mơhot têa kân lân lu, malối cho klêi kơ’nâi khía mơhot kân rôh má 9 kố nah, ai hên hngêi kuăn pơlê [ă mâu tíu ki mơjiâng pro kế tơmeăm, hngêi trung hriâm tro tơtêa kuâ.

Pơtối mê, Ngế pro xiâm hnê ngăn tơnêi têa troh pôu ngăn Hngêi trung râ má péa pơlê kân Châu Ô, tơring Bình Sơn, hngêi trung ki tro tơ’nhiê ó xua khía mơhot rôh má 9, tôl tro tơtêa [ă kế tơmeăm hriâm tâp tro tơ’nhiê. Pôa Nguyễn Xuân Phúc [ă khu kăn ki pêi dêi hnoăng cheăng hiăng lăm séa ngăn hnoăng cheăng ki ‘mâi mơnhông kế tơmeăm klêi kơ’nâi kong mê khía mơhot a tơring Núi Thành, kong pơlê Quảng Nam, tíu ki tro tơ’nhiê hên kế tơmeăm má môi xua khía mơhot kân rôh má 9.

Katarina Nga tơplôu [ă tơbleăng