VOV4.Sêdang - Kơxo lơ 20/10, pôa Nguyễn Xuân Phúc, Ngế pro xiâm hnê ngăn tơnêi têa pơkuâ Chin phuh hôp tiah hmâ a khế 10/2020, tơpui tơdroăng mơnhông cheăng kâ rêh ối 10 khế hdrối, tung mê, ai tơpui tơdroăng pêi pro vâ tơkâ luâ xahpá xua khía mơhot têa lân lu a tơdế tơnêi têa.

Tơpui a rôh pơxiâm po hneăng hôp, pôa Nguyễn Xuân Phúc, tối ki khât, tung khế 10, tơnêi têa đi đo trâm pá xua khiá plong mot têa lân lu, pro hlâ mơngế [ă lu\p hên tơmeăm kuăn pơlê. Rơrêk lo têa mâ drêng tơpui tro khía mơhot kân têa lân lu pro 230 ngế hlâ, Ngế pro xiâm hnê ngăn tơnêi têa thế tâi tâng mâu kăn tung Chin phuh veăng hôp mơdoh môi phut hmái hơt^ng vâ tơbâ kơ mâu ngế ki hiăng hlâ.

Ngế pro xiâm hnê ngăn tơnêi têa ăm ‘nâi, Chin phuh xuân kơjo kum mâu kuăn pơlê ki tro hngêi tơhnâp, tơ’nhiê xua khía mơhot têa lân lu pro. Ngế pro xiâm hnê ngăn tơnêi têa thế mâu ngế, mâu lêng, khu râ pơkuâ cheăng mâu kong pơlê, hbrâ mâu rơxế, tơmeăm plong vâ pêi tơdroăng to\ng xo mâu ki xía vâ tăng mâu ki hiăng xua tơnêi tơhnâp a kong pơlê Quảng Nam, a hngêi kơmăi on tơhrik Rào Trăng 3 kong pơlê Thừa Thiên Huế, pơtối thâ tăng mâu ngế ki hía a kơpong têa kơx^ Bình Định, Khánh Hoà.

Gương tơplôu [ă tơbleăng