VOV4.Sêdang - Peăng xêi lơ 16/9, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa tơdah Kăn xiâm tí tăng ‘nâi ple\ng ăm ngế xiâm, xuân cho Ngế xiâm má môi dêi khu xiâm pơkuâ ngăn lêng Kăch măng Cuba lăm pôu Việt Nam. Pôa Nguyễn Xuân Phúc tối tiah kố, hneăng lăm pôu kố dêi Ngế pro xiâm hnê ngăn tí tăng ‘nâi ple\ng mâu tơdroăng veăng ‘no hên ki pơxúa tung mơnhông tơru\m pơla péa pâ rế tơ-[rê.

Ngế pro xiâm hnê ngăn tơnêi têa tơdah Ngế pro xiâm hnê ngăn má môi Khu mâu kăn lêng Kăch măng Cuba

Ngế pro xiâm hnê ngăn tơnêi têa tối nhên, Việt Nam đi đo ối pak^ng Cuba, veăng kum Cuba tâi hnoăng tơná hlê ple\ng. Việt Nam hlê hên ai hiâm mơno ‘nâi hơ-ui kum Cuba tơkâ luâ xahpá, malối tung tơdroăng kum ‘na kế kâ. Việt Nam púi vâ Cuba ing tơru\m cheăng ai hlâu ‘na ki hiâm mơno le\m vâ mơnhông mơdêk. Peăng tơdroăng kring tơniăn măng, Ngế pro xiâm hnê ngăn tơnêi têa tối, Việt Nam ai tơdroăng hiăng hmâ pêi tơleăng mơnhên mâu tơdroăng ki mê, Cuba kô chiâng châ nhoăm khât a Việt Nam tung tơru\m cheăng ‘na tơdroăng kố.

Gương tơplôu [ă tơbleăng