VOV4.Sêdang - Kơxo lơ 26/9, pôa Nguyễn Xuân Phúc, Ngế pro xiâm hnê ngăn tơnêi têa veăng hôp mơ’no tơdrêng tung lâp tơnêi têa ‘na mơdêk x^ng xoăng [ă liăn ngân ăm mung ‘no mơjiâng pro tơmeăm khoăng tơnêi têa hơnăm 2019.

Xông tơpui a hneăng hôp, Ngế pro xiâm hnê ngăn tơnêi têa tối nhên, ‘no liăn cheăng veăng ‘no hnoăng kân tung mơnhông mơdêk cheăng kâ rêh ối dêi tơnêi têa, malối cho mâu tơmeăm khoăng ki kal. La tơdroăng hrá ăm mung liăn vâ mơjiâng pro ing vâ chê chât hơnăm hiăng luâ hiăng pro xiâm ki pá [ă tơdroăng cheăng kâ. Malối hơnăm kố liăn ngân ăm bú iâ, kô pro tơdjâk hên tơdroăng.Ngế pro xiâm hnê ngăn tơnêi têa hiăng tối tơdrăng mơhno 4 tơdroăng ki pá kân xua hrá ăm mung liăn vâ mơjiâng tơmeăm khoăng tơnêi têa.

Ngế pro xiâm hnê ngăn tơnêi têa pơkâ thế mơnhên tâ mâu tơdroăng ki xiâm ê nếo, ki tơngôu dêi tơdroăng hrá ăm mung liăn, tơleăng mâu troăng hơlâ ki kal nhên, tối mơdêi tâ vâ tơdroăng ‘no liăn pêi cheăng pêi pro tro tâ drêng ối 3 khế nếo vâ tâi hơnăm 2019. Ngế pro xiâm hnê ngăn tơnêi têa tối nhên, pơkâ ôh tá ăm liăn, hơ’lêh liăn ki ăm ing mâu tơmeăm khoăng vâ mơjiâng pro, tơdroăng tơkêa bro dêi mâu khu xiâm, kơvâ cheăng, kong pơlê oh tá ai liăn ngân châ mâu khu xiâm, kơvâ cheăng, kong pơlê ki ê xúa pêi ai pơxúa, teăm tơdrêng tâ.

Gương tơplôu [a\ tơbleăng