VOV4.Sedang - Kơxo lơ 24/9 a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa pơkuâ xiâm Hneăng hôp ‘na mâu túa thăm mơnhông mơdêk kơvâ cheăng hâng meăm Việt Nam.

A hneăng hôp, mâu kăn teăng mâ khu tơru\m [a\ khu tê mơdró tung mâu kơvâ hâng meăm pâ thế Chin phuh kal pêi pro mâu troăng hơlâ kơjo, mơhnhôk hên tâ mê nếo ăm kơvâ hâng meăm; ai troăng hơlâ mơhnhôk tung tơnêi têa mâu kơvâ xúa mâu kế tơmeăm ‘na meăm tung tơnêi têa, rế kơdroh kơxo# liăn rế mơjiâng kơchơ tê mơdró ăm khu tê mơdró ‘na hâng meăm.

Ngế pro xiâm hnê ngăn tơnêi têa veăng Hneăng hôp thăm mơnhông kơvâ hâng meăm

Xông tơpui a hneăng hôp, Ngế pro xiâm hnê ngăn tơnêi têa tối nhên, kơvâ hâng meăm cho tơdroăng rêh, ‘’loăng trăng’’ dêi tơdroăng cheăng kâ, tâng mơnhông tơtêk tơtro tá kơxo# tơmeăm ki hâng bro [a\ dâi le\m mê kô kum ăm tơdroăng cheăng kâ Việt Nam xông tơtêk xêh tung mot tơru\m trâu hơngế.

Kheăn kơdeăn mâu kăn hiăng tối mâu tơdroăng mơ-eăm vâ mơnhông mơdêk kơvâ hâng meăm tug tơnêi têa, Ngế pro xiâm hnê ngăn tơnêi têa tối ăm ‘nâi, Chin phuh mơ-eăm vâ khế 11 la ngiâ kô ai môi pơlê [a\ mâu túa, troăng hơlâ tơtro tâ ăm kơvâ hâng meăm [a\ troăng pêi troh hơnăm 2035 ah.

A Sa Ly tơplôu [a\ tơbleăng