VOV4.Xơ Đăng - Kơxo lơ 6/1, pôa Phạm Minh Chính, Ngế pro xiâm hnê ngăn ngăn Chin phuh hôp mơgêi tơdroăng cheăng ‘na liăn ngân hơnăm 2021 ƀă tơbleăng pơkâ hơnăm 2022. Tơbleăng a hneăng hôp, pôa Phạm Minh Chính pơkâ thế, kơvâ ngăn ‘na liăn ngân kal tơkŭm ‘mâi hơ’lêh hrê liăn ngân dêi tơnêi têa hơnăm 2022 nhên, kơdĭng, pêi tơ-ƀrê, tung tơdroăng ‘na hbrâ liăn ngân  Kuô̆k hô̆i pơkâ; tơniăn kơxô̆ liăn pêi tơdroăng ki kal, tơkŭm mơngế pêi ahdrối tơdroăng hbrâ mơdât pơreăng COVID-19, mâu tơdroăng pêi tơdrêng, mơdêk liăn ngân kơxô̆ liăn ‘no pêi tơdroăng cheăng pro xiâm mơnhông cheăng kâ.

Pôa Phạm Minh Chính, Ngế pro xiâm hnê ngăn Chin phuh xông tơpui a hneăng hôp

Ngế pro xiâm hnê ngăn tơnêi têa loi khât tiah kố, tơdroăng hmâ pêi pro 76 hơnăm mơjiâng ƀă mơdêk, mơ-eăm dêi tâi tâng mâu kăn, mâu kăn pơkuâ, mâu ngế pêi cheăng a mâu kơ koan, mơngế pêi cheăng dêi kơvâ cheăng, ‘na liăn ngân pơtối tơkâ luâ xơpá, pơloăng mơnúa ƀă pêi klêi mâu pơkâ tơdroăng cheăng ‘na liăn, liăn ngân dêi tơnêi tê, tơbleăng pêi tro Tơdroăng ‘mâi mơnhông cheăng kâ rêh ối, veăng pê klêi pơkâ mơnhông cheăng kâ rêh ối pơlê pơla hơnăm 2022 dêi lâp tơnêi têa, pro tơ’lêi hlâu vâ tơbleăng tro tâ Pơkâ mơnhông cheăng kâ rêh ối 5 hơnăm 2021-2025 ƀă troăng rơhlâ 10 hơnăm 2021-2030 tiô pơkâ hneăng hôp Đảng lâp tơnêi têa rôh má 13.

Gương tơplôu ƀă tơbleăng